උසස් පෙළ විභාගය සහ සාමාන්‍ය පෙළ විභාගය පවත්වන කාලය ගැන දැනුම්දීමක්

2023 දෙසැම්‍බර් 05, පෙ.ව. 11:47

---

---

2024 අධ්‍යයන පොදු සහතික පත්‍ර සාමාන්‍ය හා උසස් පෙළ විභාග ඉදිරි වසර තුළ පවත්වන බව අධ්‍යාපන අමාත්‍ය සුසිල් ප්‍රේමජයන්ත මහතා ප්‍රකාශ කළා.

මාධ්‍යවේදීන් අමතමින් අමාත්‍ය ප්‍රේමජයන්ත කියා සිටියේ ප්‍රමාද වූ 2023 අපොස උසස් පෙළ විභාගය නියමිත පරිදි 2024 ජනවාරි මාසයේදී පවත්වන බවයි.

කෙසේ වෙතත්, 2024 අධ්‍යයන පොදු සහතික පත්‍ර සාමාන්‍ය පෙළ විභාගය ලබන වසරේ මැයි මස මැද භාගයේදී පැවැත්වීමට අදහස් කරන බව අමාත්‍යවරයා පැවසුවා.

“ප්‍රශ්න පත්‍ර ලකුණු කිරීම අවසන් කිරීම සඳහා සෑම විභාගයක් අතරම මාස තුනක කාලයක් අවශ්‍ය වේ.” ඔහු පැවසුවා.

2025 වන විට නියමිත වසර තුළ විභාග පැවැත්වීම සාමාන්‍ය තත්ත්වයට පත් කිරීමට හැකිවනු ඇතැයි අධ්‍යාපන අමාත්‍යවරයා වැඩිදුරටත් විශ්වාසය පළ කළා.

---