2024 දෙසැම්‍බර් 16, ප.ව. 5:16
මහජන බැංකු ක්‍රීඩා සමාජය සංවිධානය කළ ‘මහජන බැංකු ක්‍රිඩා වර්ණ ප්‍රදාන උළෙල 2024’
(People’s Bank Sports Awards 2024) අත්තිඩිය, ඊගල්ස් ලේක්සයිඩ් හෝටලයේදී පසුගියදා උත්කර්ෂවත් අන්දමින් පැවැත්විණි.
මෙහිදි 2018 වසරේ සිට මේ දක්වා මහජන බැංකුව නියෝජනය කරමින් ජනසතු සේවා, අන්තර් බැංකු සහ ජාත්‍යන්තර තරඟවලින් ජයග්‍රහණ හිමිකරගත් ක්‍රිඩක ක්‍රිඩිකාවන් 212 දෙනෙකු වෙත වර්ණ ප්‍රදානය කෙරිණි.
එමෙන්ම 2019 හා 2023 වසරවල පැවැති අන්තර් ප්‍රාදේශීය කණ්ඩායම් ක්‍රීඩා තරඟවල ජයග්‍රාහී ප්‍රාදේශිකයන්ට සහ මහජන බැංකු ගෘහස්ථ ක්‍රීඩා තරඟවල ජයග්‍රාකයින්ට ජය සංකේත ප්‍රදානය කෙරුණු අතර, ඒ යටතේ ක්‍රිඩක ක්‍රීඩිකාවන් 216 දෙනෙකු වෙත පදක්කම් පිරිනැමිණි.
මීට අමතරව අදාළ කාලය තුළ විශ්‍රාම ලැබූ ජ්‍යෙෂ්ඨ ක්‍රීඩක ක්‍රීඩිකාවන් 20 දෙනෙකුගේ සේවයද ඇගයීමකට ලක් කරමින් විශේෂ තිළිණ ප්‍රදානයක් ද සිදුකෙරිණි.
මහජන බැංකුවේ ප්‍රධාන විධායක නිලධාරි/ සාමාන්‍යාධිකාරි ක්ලයිව් ෆොන්සේකා මහතාගේ ප්‍රධානත්වයෙන් පැවති මෙම වර්ණ ප්‍රදාන උළෙලට ආයතනික හා විධායක කළමනාකාරිත්වය සහ ක්‍රිඩක ක්‍රිඩිකාවන් විශාල පිරිසක් ද සහභාගි වූහ.
2025 අප්‍රේල් 04, පෙ.ව. 11:28
2025 අප්‍රේල් 03, ප.ව. 6:21
2025 මාර්තු 28, ප.ව. 12:31
2025 මාර්තු 23, පෙ.ව. 6:36
2025 මාර්තු 20, ප.ව. 2:30