ගම්බිම් බලා ගිය ජනයාට නැවත එන්න විශේෂ දුම්රිය වැඩපිළිවෙළක්

2025 අප්‍රේල් 15, පෙ.ව. 12:06

---

---

ගම්බිම් බලා පිටත්ව ගිය ජනතාවට නැවත කොළඹට පැමිණීම සඳහා විශේෂ දුම්රිය ගමන්වාර කිහිපයක් ක්‍රියාත්මක කර ඇති බව දුම්රිය දෙපාර්තමේන්තුව පවසනවා.

මෙම විශේෂ දුම්රිය ගමන්වාර කිහිපය එළඹෙන 19 සහ 20 යන දින පුරා ක්‍රියාත්මක කිරීමට නියමිත බව සඳහන්.

ඒ අනුව ගාල්ල සිට කොළඹ කොටුව බලා පැමිණීම සඳහා මෙන්ම බෙලිඅත්තේ සිට කොළඹ කොටුව බලා පැමිණීමට විශේෂ දුම්රිය වාර දෙකක් ක්‍රියාත්මක කිරීමට දුම්රිය දෙපාර්තමේන්තුව පියවර ගෙන තිබෙනවා.

එමෙන්ම බදුල්ලේ සිට කොළඹ බලා පැමිණීමට දුම්රිය වාර දෙකක් ක්‍රියාත්මක කිරීමටද දුම්රිය දෙපාර්තමේන්තුව තීරණය කර ඇති අතර එමගින් ජනතාවට නැවත කොළඹ කොටුව බලා පැමිණීමට හැකියාව ඇති බවද සඳහන්.

---