ආලේපන 49ක් නිසා කාන්තාවන්ගේ ජීවිතය අනතුරේ.!

2025 අගෝස්‍තු 07, පෙ.ව. 11:22

පාරිභෝගික කටයුතු පිළිබඳ අධිකාරිය සඳහන් කළේ, මෙරට වෙළඳපොලේ අලෙවි කරනු ලබන රූපලාවන්‍ය ආලේපන වර්ග 49ක, භාවිතයට නුසුදුසු මට්ටමින් බැරලෝහ අන්තර්ගත වී ඇති බවයි.

සම පැහැපත් වීම සඳහා යොදාගන්නා ආලේපන වර්ග ඉන් ප්‍රධාන බවද එම අධිකාරියේ තරගකාරීත්ව ප්‍රවර්ධන අධ්‍යක්ෂ සමන්තා කරුණාරත්න සඳහන් කළාය.

‍අන්තර්ජාලය ඔස්සේ භාවිතයට නුසුදුසු ආලේපන ආලේපන අලෙවි කිරීම වැළැක්වීම සඳහා ක්‍රියාමාර්ග ගෙන ඇති බවද ප්‍රවර්ධන අධ්‍යක්ෂ සමන්තා කරුණාරත්න සඳහන් කළාය.