2023 අගෝස්‍තු 15, පෙ.ව. 8:16
ශ්‍රී ලංකා තුන් ඉරියව් ක්‍රීඩක වනිඳු හසරංග ටෙස්ට් ක්‍රිකට් ක්‍රීඩාවෙන් සමුගැනීමට තීරණය කර ඇත්තේ සුදු පන්දු ආකෘතීන් තුළ සිය ක්‍රිකට් දිවිය ඉදිරියට ගෙන යාමට කැපවන බව ප්‍රකාශ කරමින්.
ශ්‍රී ලංකා ක්‍රිකට් වෙත ලිපියක් යවමින් හසරංග සඳහන් කර ඇත්තේ, සීමිත පන්දුවාර ක්‍රිකට් ක්‍රීඩාව කෙරෙහි අවධානය යොමු කර ජාතික කණ්ඩායමට තම උපරිම දායකත්වය ලබාදීමට ඇති ආශාව නිසා බවයි.
සීමිත ඕවර ක්‍රිකට් ක්‍රීඩාවේ විශේෂඥයෙකු ලෙස තම වෘත්තීය ජීවිතය දික්කර ගැනීමට අපේක්ෂා කරන බවත්, තම උපරිමයෙන් ජාතියට සේවය කිරීමට බලාපොරොත්තු වන බවත් හසරංග අවධාරණය කර ඇති බව වාර්තා වෙනවා.
