hit counter

2024 අප්‍රේල් මස 18 වන බ්‍රහස්පතින්දා

2024 පෙබරවාරි 03, ප.ව. 2:48


තායිලන්ත අගමැති දිවයිනට

ශ්‍රී ලංකාවේ 76 වන ජාතික නිදහස් දින උත්සවයේ ප්‍රධාන ආරාධිත අමුත්තා ලෙස  සහභාගී වීම සදහා තායිලන්තයේ අග්‍රාමාත්‍ය ස්‍රෙතා තවිසින් ( Srettha Thavisin) මහතා අද (03) දහවල් කටුනායක ගුවන් තොටුපොළ වෙත පැමිණියා.

එතුමා සමග දූත පිරිස ලෙස එරට උසස් නිලධාරීන් 33 දෙනෙකු ද පැමිණ සිටියා.

ඔවුන් රාජකීය තායි ගුවන් හමුදාවට ( Royal Thai Air Force ) අයත් ආර්.ටී.ඒ.එෆ්.- 244 දරන විශේෂ ගුවන් යානයෙන් කටුනායක ගුවන් තොටුපොළ වෙත පැමිණියා.

මෙම පිරිස පිළිගැනීම සදහා අග්‍රාමාත්‍ය දිනේෂ් ගුණවර්ධන , විදේශ කටයුතු රාජ්‍ය අමාත්‍ය තාරක බාලසූරිය , සෞඛ්‍ය අමාත්‍ය රමේෂ් පතිරණ ඇතුළු පිරිසක් කටුනායක ගුවන් තොටුපොළ වෙත පැමිණ සිටියා.

තායිලන්ත අග්‍රාමාත්‍යවරයා සිය ගුවන් යානයෙන් බැස , කටුනායක ගුවන් තොටුපොළ රන් සමරු පොතේ ( Golden Book ) සටහනක් තැබීමට ද කටයුතු කළා.

තායිලන්ත අග්‍රාමාත්‍යවරයා අසනීප තත්වයෙන් පසු වන නිසා උදෑසන ශ්‍රී ලංකා ජාතික නිදහස් දින උත්සවයට සහභාගී වීමෙන් අනතුරුව හෙට (04) උදෑසන 09.20 ට ඔවුන් පැමිණි රාජකීය තායි ගුවන් හමුදාවට අයත් ගුවන් යානයෙන්ම ආපසු තායිලන්තයේ බැංකොක් නුවර බලා පිටත්ව යාමට නියමිතයි.