මහ බැංකුව විසින් මුදල් නෝට්ටු මිලියන 238ක් එකවරම විනාශ කරයි

2023 සැප්‍තැම්‍බර් 04, පෙ.ව. 9:27

ශ්‍රී ලංකා මහ බැංකුව විසින් පසුගිය වසරේ හානියට පත් හෝ විකෘති කරන ලද මුදල් නෝට්ටු මිලියන 238.5 ක් විනාශ කර තිබෙනවා.

මහ බැංකුවට අනුව, 2022 දී විනාශ වූ නෝට්ටු වල වටිනාකම රු. බිලියන 207.3 ක් බවයි පැවසෙන්නේ.

රට තුළ පිරිසිදු හා ගුණාත්මක නෝට්ටු සංසරණය සහතික කිරීම සඳහා මහ බැංකුව විසින් වරින් වර අවලංගු කරන ලද මුදල් නෝට්ටු විනාශ කරයි.

2021 දී මහ බැංකුව විසින් රුපියල් මිලියන 108.2 ක මුදල් නෝට්ටු විනාශ කර ඇත.

තවද, 2019 වසරේදී රුපියල් බිලියන 139.8ක් වටිනා මුදල් නෝට්ටු මිලියන 235ක් මහ බැංකුව විසින් විනාශ කර ඇත.

2018 වසරේදී විනාශ කරන ලද මුදල් නෝට්ටු මිලියන 343.8 ක් විනාශ වී ඇති අතර මහ බැංකුවට අනුව සංසරණයෙන් ඉවත් කර ඇති මුදල් නෝට්ටු වල වටිනාකම රු. බිලියන 252.2 කි.