බිත්තරයක් රුපියල් 35කට – ලබාගත හැකි ස්ථානයත් දැනුම් දෙයි

2023 ජූලි 24, පෙ.ව. 12:02

ආනයනික බිත්තර රුපියල් 35ක මිලක් යටතේ සතොස හරහා අලෙවි කිරීමට සැලසුම් කර තිබෙනවා.

ඒ අනුව ඉදිරි සතිය තුළ අදාළ බිත්තර සතොස හරහා අලෙවි කිරීමට බලාපොරොත්තු වන බව වෙළෙඳ අමාත්‍ය නලීන් ප්‍රනාන්දු මහතා සඳහන් කළා.

වැඩිදුරටත් අදහස් දක්වමින් අමාත්‍යවරයා කියා සිටියේ දෛනිකව බිත්තර ලක්ෂයක පමණ ප්‍රමාණයක් වෙළෙඳපොළට නිකුත් කිරීමට බලාපොරොත්තු වන බවයි.

කෙසේ වෙතත්, ආනයනික බිත්තර මෙතෙක් වෙළෙඳපොළේ අලෙවි කිරීමක් සිදු නොවීය.

බිත්තර මිලෙහි ඉහළ යාම සැලකිල්ලට ගනිමින් ඒවා පාරිභෝගිකයින්ට ලබාදීමට තීරණය කර ඇත.