2022 දෙසැම්‍බර් 25, පෙ.ව. 9:21
පවුල් කේන්ද්‍රීය මැතිවරණ ක්‍රමය අවසන් කිරීම සඳහා ඉදිරි පළාත් පාලන මැතිවරණය උපයෝගී කරගන්නැයි පාර්ලිමේන්තු මන්ත්‍රී ඩලස් අලහප්පෙරුම මහතා ජනතාවගෙන් ඉල්ලීමක් කරනවා.
මත් උවදුරෙන් රට මුදා ගැනීම අසීරු කාරණයක් වී ඇත්තේ රට සුරා සැල් වලින් වැඩි ප්‍රමාණයක් දේශපාලකයන් සහ ඔවුන්ගේ පවුල්වල අයට අයත් නිසා බවයි මන්ත්‍රීවරයා කියා සිටියා.
මෙරට නීත්‍යානුකූලව බලපත්‍රලාභී සුරාසල් 4910 ක් ඇති බවත් ඉන් 2000 කට වැඩි ප්‍රමාණයක අයිතිය ඇත්තේ දැනට දේශපාලනයේ මේ නිරතවෙන දේශපාලනඥයින් සහ ඔවුන්ගේ පවුල්වල උදවියට බවද ඔහු සඳහන් කළා.
වත්මන් පාර්ලිමේන්තුවේ එක්තරා මන්ත්‍රීවරයකුට සුරාසැල් 128 හිමිකාරත්වයක් ඇති බව ද හෙතෙම ප්‍රකාශ කළා.
ඔහු මේ බව කියා සිටියේ කොළඹ දී පැවැති මාධ්‍ය හමුවක් අමතමින්.
