රාජ්‍ය සේවකයින්ට වැටුප් ගෙවන්නේ මෙහෙමයි! අලුත් ක්‍රමයට කැබිනට් අනුමැතිය හිමිවෙයි

2023 ජනවාරි 17, පෙ.ව. 9:23

---

---

රාජ්‍ය සේවක වැටුප් ගෙවීම සම්බන්ධයෙන් අමාත්‍ය මණ්ඩලය විසින් විශේෂ තීරණයක් ගෙන තිබෙනවා.

ඒ අනුව විධායක නොවන නිලධාරින්ගේ මාසික වැටුප නියමිත දිනට ගෙවීමටයි අමාත්‍ය මණ්ඩලය තීරණය කර තිබෙන්නේ.

එමෙන්ම විධායක නිලධාරීන්ගේ මාසික වැටුප් නියමිත දිනට දින කිහිපයකට පසුව ගෙවීමට ද අමාත්‍ය මණ්ඩල එකඟතාවය හිමිව තිබෙනවා.

මහා භාණ්ඩාගාරය විසින් ගනු ලැබූ පියවරයන් පිළිබඳව මුදල්, ආර්ථික ස්ථායීකරණ හා ජාතික ප්‍රතිපත්ති අමාත්‍යවරයා වශයෙන් ජනාධිපතිවරයා ඉදිරිපත් කළ එම යෝජනාවට අමාත්‍ය මණ්ඩල අනුමැතිය හිමිව තිබෙන බව වාර්තා වනවා.

2023 වසරේ රජයේ නව ආදායම් යෝජනා ක්‍රියාත්මක කිරීම මේ වනවිට ආරම්භ කර ඇතැයි රජය පවසනවා.

එමඟින් ජනනය වන ආදායම් රැස්කිරීම සඳහා යම් කාලසීමාවක් ගතවන බැවින් රාජ්‍ය සේවක වැටුප් ගෙවීම සම්බන්ධයෙන් එම තීරණය ගෙන තිබෙනවා.

ඒ අනුව 2023 වසරේ ජනවාරි මාසයේ සිට ඉදිරි මාස කිහිපය සඳහා රජයේ වියදම් කළමනාකරණය කිරීමට අමාත්‍ය මණ්ඩලය විසින් රාජ්‍ය සේවක වැටුප් ගෙවීම මෙලෙස යෝජනා කර තිබෙනවා.

---