දරුවන් පරිස්සම් කරගන්න! වෛද්‍ය අංශයෙන් රතු එළියක්

2023 ජනවාරි 30, පෙ.ව. 5:20

ඩෙංගු රෝගයේ සහ ඉන්ෆ්ලුවෙන්සා රෝගී තත්ත්වයන් දෙකෙහිම වර්ධනයක් මේ දිනවල පෙන්නුම් කරන බැවින්, වෛද්‍ය උපදෙස් ලබාගැනීම ඉතා වැදගත් බව විශේෂඥ වෛද්‍ය ආනන්ද විජේවික්‍රම මහතා පවසනවා.

ඔහු වැඩිදුරටත් සඳහන් කළේ රුධිර පරීකෂණයක් මගින් මෙම රෝග දෙක වෙන් වෙන්ව හඳුනා ගැනීමෙන් පසු ඖෂධ ලබාගැනීමෙන් සිදුවන සංකූලතා අවම කරගැනීමේ හැකියාව පවතින බවයි.

මේ දිනවල වර්ධනයක් පෙන්නුම් කරන ඩෙංගු සහ ඉන්ෆල්වෙන්සා යන රෝගී තත්ත්වයන් දෙකෙහිම බොහෝ සෙයින් සමාන රෝග ලක්ෂණ පෙන්නුම් කරන බවයි වෛ‍ද්‍යවරුන් පෙන්වා දෙන්නේ.

එම හේතුව නිසාම රෝගී තත්ත්වය නිශ්චය කර නොගෙන ලබා දෙන ඖෂධ හේතුවෙන් විවිධ සංකූලතා ඇති වූ අවස්ථා රැසක් ද පසුගිය දිනවල වාර්තා වුණා.

උණ, කැස්ස, අඟපත වේදනාව, හිසරදය වැනි රෝග ලක්ෂණ පෙන්නුම් කරන්නේනම් වහාම රුධිර පරීක්ෂණයක් සිදු කර රෝගී තත්ත්වය නිශ්චය කර ගැනීමෙන් අනතුරුව ඖෂධ ලබාගන්නා ලෙසයි වෛද්‍යවරුන් උපදෙස් ලබා දෙන්නේ.