එළියට නාවොත් දේශබන්දුට වෙන දේ

2025 මාර්තු 10, පෙ.ව. 12:27

---

---

දැනට වරෙන්තු ලබා සිටින පොලිස්පති දේශබන්දු තෙන්නකෝන් මහතා තවදුරටත් උසාවිය මඟහරින්නේ නම් නීති ප්‍රතිපාදන අනුව ඔහුගේ දේපොළ පවරා ගැනීමට කටයුතු කරෙන බව මහජන ආරක්ෂක නියෝජ්‍ය අමාත්‍ය නීතීඥ සුනිල් වටගල මහතා පවසනවා.

නියෝජ්‍ය අමාත්‍යවරයා මේ බව සඳහන් කළේ, ඊයේ (09) මෝදරදී පැවති උත්සවයකදී යි.

එහිදී ඔහු වැඩිදුරටත් කියා සිටියේ,

“එයා එළියට ආවේ නැත්තම් අපි තව තව ක්‍රියාමාර්ග ගන්නවා..

වත්මන් වැඩබලන පොලිස්පති ප්‍රියන්ත වීරසූරිය මහතගේ අත්සනින් යුතුව චක්‍රලේඛයක් නිකුත් කරලා තියෙනවා. ඒකේ තියෙන්නේ කෙනෙක් අපරාධයක් කරලා අධිකරණය මඟ හැරලා ඉන්නවා නම් වරෙන්තු පිට එයාගේ දේපොළ තහනමකට යන්න පුලුවන් කියලා.”

දේශබන්දු තෙන්නකෝන් අත්අඩංගුවට ගන්නැයි නියෝගය ලබාදි අදට දින 10ක් ගත වී අවසන් වුවත්, අද වන විටත් ඔහු සමබන්ධයෙන් කිසිදු තොරතුරක් නොමැති වීම පුදුම සහගත කාරණයක් වනවා.

---