මේ උණුසුම් කාලයේ සතුන්ගේ පිපාසය නිවන්න සහයෝගය දෙන්න

2024 අප්‍රේල් 20, පෙ.ව. 12:03

ශ්‍රී ලංකාව තුළ පවතින අධික උණුසුම් වාතාවරණය නිසා සතුන්ට විශේෂයෙන් පක්ෂීන්ට ජලය ලබා දෙන ලෙස ශ්‍රී ලංකාවේ පශු වෛද්‍යවරු මහජනතාවගෙන් ඉල්ලා සිටිනවා.

මෙම උණුසුම් වාතාවරණය නිසා මිනිසුන් මෙන් සතුන් ද උෂ්ණාධික රෝග, කුෂ්ඨ, අව්වට පිළිස්සුම්, රෝග සහ පරපෝෂිත ප්‍රහාර ඇතුළු තාපය ආශ්‍රිත රෝග රාශියකට ගොදුරුවී සිටින බවයි ශ්‍රී ලංකා පශු වෛද්‍ය සංගමයේ ලේකම් වෛද්‍ය දේශිකා ජයසිංහ මහත්මිය සඳහන් කර සිටින්නේ.

සතුන් මෙන්ම සුරතලුන් මුහුණ දෙන ප්‍රධානතම අභියෝගය වන්නේ විජලනය බවත් අධික උෂ්ණත්වයන් දහඩිය දැමීම හෝ හුස්ම හිරවීම හරහා සතුන් තුළ ජලය අහිමි වීම උග්‍ර කරන බවත් ඒ නිසා විජලනය වීමට හේතුවන බවත් ඒ මහත්මිය වැඩිදුරටත් සඳහන් කර සිටිනවා.