On-Arrival වීසා ඉන්දියානු සමාගමකට දීලා – කටුනායක ලොකු අවුලක්

2024 මැයි 02, ප.ව. 6:03

---

---

බණ්ඩාරනායක අන්තර්ජාතික ගුවන්තොටුපළේ on-Arrival වීසා නිකුත් කිරීමේ ක්‍රියාවලිය ඉන්දීය සමාගමක් විසින් පවරා ගැනීමත් සමඟ ඊයේ රාත්‍රියේ ගුවන්තොටුපළේ අවුල් සහගත තත්ත්වයක් ඇති වුණා.

මෙම සමාගම විසින් ඒ වෙනුවෙන් අමතර ඩොලර් 25ක් අය කිරීමට ද කටයුතු කර තිබෙනවා.

මෙලෙස අදාළ සමාගමට පවරා ඇත්තේ ආගමන හා විගමන දෙපාර්තමේන්තුව වසර කිහිපයක් තිස්සේ සුමට ලෙස කළමනාකරණය කර තිබූ ක්‍රියාවලියකි.

වාර්තා වන පරිදි ඉන්දීය සමාගම විසින් ඊයේ දිනයේදී ඇමැති මණ්ඩල අනුමැතියක් ලබා නොගෙන on-Arrival වීසා නිකුත් කිරීමේ ක්‍රියාවලියේ පාලනය භාරගෙන තිබෙනවා.

මේ සඳහා කුමන ඇමැතිවරයාට හෝ අධිකාරියට අවසර දුන්නේද යන්න බරපතළ ප්‍රශ්නයකට තුඩු දී තිබෙනවා.

තවද, ඉන්දියානු සමාගම සම්මත ඩොලර් 75 ගාස්තුව සමඟ අමතර ඩොලර් 25ක් අය කර තිබිණි.

ආගමන විගමන දෙපාර්තමේන්තුවේ පාලක ජනරාල් හර්ෂ ඉලුක්පිටිය පවසන්නේ වීසා බලපත්‍ර නිකුත් කිරීමේ ක්‍රියාපටිපාටිය නැවත ඔවුන් වෙත ලබා දී තිබුණේ පෞද්ගලික සමාගමට සුමටව ක්‍රියාත්මක වීමට නොහැකි වූ නිසා බවයි.

සමාජ මාධ්‍යවල සංසරණය වන වීඩියෝවක දැක්වෙන්නේ මේ හේතුවෙන් ගුවන් තොටුපළේ දිගු පෝලිම් පවතින ආකාරයයි.

ශ්‍රී ලාංකිකයකු තම බිරිඳගේ පැමිණීමේ වීසා බලපත්‍රය අවලංගු කළ බවට චෝදනා කරමින් ඉන්දීය වීසා නිකුත් කරන නිලධාරීන්ට දොස් පවරනු ද දක්නට ලැබිණි.

ඔහු ප්‍රශ්න කළේ ඉන්දියානු ජාතිකයකු තමාගේ හෝ බිරිඳගේ වීසා තත්ත්වය තීරණය කරන්නේ කෙසේද යන්නයි.

ශ්‍රී ලාංකික පුරවැසියකු ලෙස තම අයිතිවාසිකම් ද ඔහු එහිදී තහවුරු කළා.

මේ සම්බන්ධයෙන් හඬක් නැගීමට තමාට ඇති අයිතිය ගැන ඔහු අවධාරණය කළ අතර මෙම කටයුතු ක්‍රියාත්මක කළ හැකි ශ්‍රී ලාංකික සමාගම් කිහිපයක් තිබියදී වීසා නිකුත් කිරීමේ ක්‍රමය ඉන්දියානු සමාගමකට විකිණීමට ශ්‍රී ලංකා රජයට සිදු වූයේ මන්දැයි ප්‍රශ්න කළා.

දේශීය ශ්‍රම බලකාය නොසළකා හරිමින් ඉන්දීය සමාගම්වලට ශ්‍රී ලංකාවේ ක්‍රියාත්මක වීමට අවසර දීම සම්බන්ධයෙන් ඔහු ශ්‍රී ලංකා රජයට දොස් පවරනු දක්නට ලැබිණි.

වීසා ලබාගැනීමට පැය දෙක තුනකට වැඩි කාලයක් රැඳී සිටීමට සිදුවූ බව ද ඇතැම් විදේශිකයෝ ප්‍රකාශ කරයි.

---