ආර්ථික අර්බුධය දරුවන්ටත් බලපායි – පාසල් පැමිණීමත් අඩු වෙයි

2023 ජනවාරි 18, පෙ.ව. 11:37

පාසල් පොත් හා පාසල් උපකරණ මිල ඉහල යාම හේතුවෙන් හැටන් අධ්‍යාපන කලාපයේ බොහෝ පාසල්වල සිසුන්ගේ පැමිණීම පහල මට්ටමකට වැටී ඇති බව විදුහල්පතිවරුන් කිපදෙනෙකුම පවසනවා.

තම අනන්‍යතාවයන් හෙලි නොකරන ලෙස ඉල්ලමින් මේ පිලිබදව වැඩිදුරටත් කරුණු දක්වන එම පිරිස පවසනුයේ ජනවාරි මාසයේ පාසල් ආරම්භයත් සමග තම පාසල්වලට පැමිනෙන සිසුන්ගේ යම් අඩුවිමක් දක්නට ලැබුන බවයි.

එම තත්වයන් පිලිබදව සොයා බැලිමේදි පවතින ආර්ථික අර්බුද හමුවේ එම දරුවන්ට අවශ්‍ය පාසල් පොත් හා පාසල් උපකරණ ලබා දිමට එම දරුවන්ගේ දෙමාපියන්ට නොහැකිවීම මත එම දරුවන් පාසල් නොපැමිනෙන බවද ඔවුන් පවසනවා.

නාගරික ග්‍රාමිය මට්ටමට වඩා මෙය වතුකරය තුල දැඩි ලෙස පවතින බවත් මේ වන විට වතු කම්කරුවන්ගේ ආර්ථිකය දැඩි ලෙස පසු බැසීමකට ලක් විමෙන් වතුකරයේ දරුවන්ගේ පාසල් පැමිණීමට විවිධ බාධා එල්ලවි ඇති බවද එම පිරිස් වැඩි දුරටත් පවසනවා.