ජාතික ගීය හයියෙන් කිව්වයි පාසල් සිසුවෙක්ට ගුරුවරයෙක් ඔලුවට ගහලා

2022 නොවැම්‍බර් 16, පෙ.ව. 9:48

ජාතික ගීය ශබ්ද නගා ගායනා නොකළ බව පවසමින් සිසුවෙකුට පහරදුන් නර්තන ගුරුවරයෙකු පිළිබඳ විමර්ශන ආරම්භ කර තිබෙනවා.

හංවැල්ල ප්‍රදේශයේ ප්‍රධාන පාසලක 9 වන ශ්‍රේණියේ සිසුවෙකුයි මෙලෙස පහරකෑමට ලක්ව ඇත්තේ.

උදෑසන රැස්වීම අතරතුර එය සිදුව ඇති අතර, ජාතික ගීය ශබ්ද නගා ගායනා කරන ලෙස පවසමින් අදාළ ගුරුවරයා තම දරුවාගේ හිසට පහර දී ඇති බව මව පොලිසියට කරන ලද පැමිණිල්ලේ සඳහන්.

මේ අතර සෑම පොලිසියකම ළමා හා කාන්තා කාර්යාංශ තවදුරටත් ශක්තිමත් කළ යුතු බවට කාන්තා හා ළමා කටයුතු පිළිබඳ අමාත්‍යාංශයීය උපදේශක කාරක සභාවේ දී අවධානයට ලක් කර තිබෙනවා.

ඒ අනුව ඒ සඳහා සෑ ම පොලිස් ස්ථානයකම වෙන ම කාමරයක් සහ ඊට අනුයුක්ත ව කටයුතු කිරීමට පොලිස් නිලධාරිනියන් සිවු දෙනෙකු පත් කළ යුතු බවට යි උපදෙස් ලබා දී ඇත්තේ.

ළමා අපරාධකරුවන් නීතිය ඉදිරියට ගෙන ඒම මෙන්ම ඒවා වාර්තා කිරීමේ දී විශේෂ ක්‍රම අනුගමනය කළ යුතු බවට ද එහි දී සාකච්ඡා වී තිබෙනවා.