hit counter

2024 අප්‍රේල් මස 23 වන අඟහරුවාදා

2022 ජූනි 27, පෙ.ව. 3:12



වියත්මගේ ප්‍රබල සාමාජික, හිටපු අමාත්‍ය නාලක ගොඩහේවා මහතා වත්මන් ආණ්ඩුවට දැඩි දෝෂදර්ශනයට ලක් කරමින් කතා කර තිබෙනවා.

ඒ ගම්පහ ප්‍රදේශයේ ව්‍යාපාරිකයන් හා වෘත්තිකයන් පිරිසක් සමඟ පසුගියදා පැවති රැස්වීමකදීයි.

මේ ආණ්ඩුවටත් රටේ ප්‍රශ්න විසඳීමට පුළුවන් වගක් නොපෙනෙන බවයි ගොඩහේවා මන්ත්‍රීවරයා පෙන්වා දෙන්නේ.

රටේ ආර්ථික ගැටළුව විසඳීමට සර්ව පාක්ෂික ආණ්ඩුවක් පිහිටුවන්නැයි බොහෝ දෙනකු කළ ඉල්ලීම පටලවා ගැනීම වත්මන් ආණ්ඩුවේ අසාර්ථකත්වයට ප්‍රධාන හේතුව බවද ඔහු සඳහන් කළා.

රටේ ප්‍රශ්න ගැන අද අගමැතිවරයා, ඇමැතිවරුන් කිසිවකුත් කතා නොකරන බවත් ජනාධිපතිවරයාද බොහෝ කාලෙකින් ජාතිය අමතා නොමැති බවත් ගොඩහේවා මහතා ප්‍රකාශ කළා.

මේ ආකාරයට ජනතා ප්‍රශ්න අමතක කරමින් කටයුතු කළහොත් ජනතාව ආණ්ඩුවට ගෙදර යන්න යැයි පවසමින් නැවතත් ළඟදීම පාරට බසිනු ඇතැයිද ඔහු අවධාරණය කළා.

දේශපාලන වශයෙන් ජනප්‍රිය නොවන දුෂ්කර තීන්දු වුවත් ගැනීමට සර්ව පාක්ෂික ආණ්ඩුවකින් අවස්ථාව සැලසෙන බවත් සර්ව පාක්ෂික ආණ්ඩුවක් පිහිටුවන්නැයි බොහෝ දෙනා දිගින් දිගටම ඉල්ලා සිටින්නේ ඒ නිසා බවත් ඔහු කියා සිටියා.

කෙසේ නමුත් අද පවතින ආණ්ඩුවේ ප්‍රධාන විපක්ෂ කණ්ඩායම් තියා අඩුම ගාණේ ආණ්ඩු පක්ෂයවත් හරියට නියෝජනය වෙනවා දැයි කියන ප්‍රශ්නය පවතින බවත් එකම ආසනයක් පවතින පක්ෂයක අයකුට අගමැතිකමදීම නිසා ඔහුට විරුද්ධව ආණ්ඩුව ඇතුළෙන්ම විරෝධයක් මතු වීමට පටන් ගෙන ඇති බවත් ගොඩහේවා මහතා සඳහන් කළා.

පාර්ලිමේන්තුවේ ස්ථිර බලයක් නොමැති මේ ආණ්ඩුව රට වෙනුවෙන් වැදගත් අසීරු තීරණ ගන්නේ කෙසේදැයි ප්‍රශ්න කරන බව පැවසූ නාලක ගොඩහේවා මහතා රටක් පාලනය කරනවා කියන්නේ කොහෙන් හෝ ණයක් ලබාගෙන එදාවේල කළමනාකරණය කරන එක නොවේ යැයිද ප්‍රකාශ කළා.

ශ්‍රීලංකන් ගුවන් සේවය විදුලිබල මණ්ඩලය ඛනිජ තෙල් සංස්ථාව වැනි පාඩු ලබන ආයතන ප්‍රති ව්‍යුහගත කිරීමට මේ කැබිනට් මණ්ඩලයට කිසිදිනක හැකියාවක් නොලැබෙන බවත් එසේ නොකර රජයේ වියදම් අඩු අඩු කර ගන්නේ කෙසේදැයි ප්‍රහේලිකාවක් බවත් හෙතෙම පෙන්වා දෙනවා.

ඉන්ධන, විදුලිය සහ ගෑස් හිඟයට සහ ඒවායේ අධික මිලට එකම විසඳුම ඒ ක්ෂේත්‍රවල රජයේ ඒකාධිකාරිය බිදීම බව පැවසූ හෙතෙම මේ කැබිනට් මණ්ඩලයට ඒ කිසිවක් කළ නොහැකි වනු ඇතැයිද ප්‍රකාශ කළා.





ලිපිය සමග සම්බන්ධ නවතම පුවත්: