ඡන්දය කල් දමන්නැයි සජබ ඉල්ලා සිටියේ යැයි ජනපති කළ ප්‍රකාශයට සජිත්ගෙන් පිළිතුරු

2023 පෙබරවාරි 28, ප.ව. 5:53

මේ රට පුරා ගමන් කරමින්, මැතිවරණය උදෙසා ජනතාව පෙළගස්වමින් දිනෙන් දින ඉහළ යන ජන රැල්ලක් සමඟ සමගි ජන බලවේගය කටයුතු කරන්නේ මැතිවරණයක් ලබාගෙන එය ජයග්‍රහණය කිරීමට මිස මැතිවරණ කල් දැමීමට නොවන බව ජනපති මතක තබා ගත යුතු යැයි විපක්ෂ නායක සජිත් ප්‍රේමදාස මහතා පවසනවා.

විපක්ෂ නායක සජිත් ප්‍රේමදාස මහතා මේ බව පවසා සිටියේ පසුගියදා කන්කසන්තුරේ ප්‍රදේශයේ පැවති ජන හමුවක් අමතමින්.

මැතිවරණ කොමිසමේ ඒකමතික තීන්දුවකින් තොරව මැතිවරණය ක්‍රියාත්මක කිරීමට කටයුතු කර ඇති බවට ජනාධිපතිවරයා පවසමින්, ඒ මොහොතේම මැතිවරණයක් නැතැයි ද පැවසීම හරහා ඔහුගේ විකෘති බව මැනවින් ප්‍රදර්ශනය වන බව කී විපක්ෂ නායකවරයා, සමගි ජන බලවේගය කිසිවකු මැතිවරණ කල් දැමීමට කටයුතු නොකරන බවද අවධාරණය කළා.

ජනාධිපතිවරයාගේ විකෘති පිස්සු කතා නිසා රට දිනෙන් දින බරපතල අගාධයකට ඇද වැටෙන බව පැවසූ විපක්ෂ නායකවරයා කඩිනම් මැතිවරණයක් තුළින් මේ විකෘතියක් වෙනස් කළ යුතු බවද පැවසුවා.