චීන – ශ්‍රී ලංකා සහයෝගිතාව වැඩිදියුණු කිරීමට පියවර

2026 මාර්තු 23, ප.ව. 4:44

---

---

පාත්ෆයින්ඩර් පදනම සහ චීනයේ අනන්‍ය විද්වත් සංවිධාන සහ අධ්‍යාපනික ආයතන අතර සහයෝගිතාව වැඩිදියුණු කිරීම සඳහා සැලැස්මක් අවධානයට ගැනේ.

පාත්ෆයින්ඩර් පදනම නිර් මාතෘ මිලින්ද මොරගොඩ සහ චීන තානාපති ක්යු ෂැන්ග්හොංග් අතර සාකච්ඡාවක් පසුගිය දා පැවැති අතර මෙහි දී දෙරට අතර සහයෝගීතාව තවත් වැඩිදියුණු කළ හැකි පැති ගැන සලකා බැලිණ.

පදනම විසින් එළිදක්වන ලද “ජාතික ආරක්ෂක උපාය මාර් ග – 2026 යෝජනා මාලාව” පිළිබඳව ද චීන තානාපතිවරයා වෙත මෙහි දී කරුණු දක්වා තිබේ.

පාත්ෆයින්ඩර් පදනම විසින් චීනයේ විද්වත් ආයතන සමඟ එක්ව මෙතෙක් පවත්වන ලද වැඩසටහන් කිහිපයක් පිළිබඳව ද මෙහි දී සාකච්ඡා වූ අතර ඉදිරියේ දී දෙරට අතර සහයෝගීතාව තවත් වටයකින් තර කරමින් “චීන–ශ්‍රී ලංකා සමුද්‍ර සහයෝගිතා සංවාදය – 2026” මැයෙන් විශේෂ විද්වත් සැසිවාරයක් ලබන මැයි මාසයේ දෙවන සතියේ කොළඹ දී පැවැත්වීමට එකග වී ඇත.

චීනයේ සිචුවාන් විශ්ව විද්‍යාලයේ දකුණු ආසියා අධ්‍යයන මධ්‍යස්ථානය සමග මෙම සැසිය සංවිධානය කෙරේ.
මෙම සාකච්ඡාවට චීන තානාපති කාර්යාලයේ තුන්වන ලේකම් ජින් එන්සේ සහ පාත්ෆයින්ඩර් පදනමේ සභාපති බර්නඩ් ගුණතිලක මහතාද සහභාගී වූහ.

---