පෞද්ගලික සරසවියේ සිසුවාගේ මරණය ගැන අනාවරණයක්

2026 අප්‍රේල් 11, පෙ.ව. 8:20

---

---

පුද්ගලික විශ්වවිද්‍යාලයක සිසුන් පිරිසක් විසින් හෝමාගම, මොරගහහේන ප්‍රදේශයේදී (09) රාත්‍රීයේ පැවැත්වු සාදයේදී ඇතිවූ බහින්බස්වීමක් දුරදිග යාම හේතුවෙන් ගැටුමක්ද හටගෙන ඇත.

සාදයේ ඇතිවූ ගැටුමේදී වයස අවුරුදු 19ක් වු නිකදළුපොත වැල්ලව ප්‍රදේශයේ පදිංචි සිසුවෙකු මියගොස් ඇති අතර අනතුරුව එම සිදුවීම සම්බන්ධයෙන් සැකපිට සිසුන් 5 දෙනෙකු අත්අඩංගුවට ගත්තේය.

කෙසේ වෙතත් මියගිය සරසවි සිසුවාගේ මරණයට හේතුව හෘදයාබාධයක් බව, සිදුකළ පශ්චාත් මරණ පරීක්ෂණයේදී අනාවරණය වී ඇත.

එම සිද්ධිය සම්බන්ධයෙන් හෝමාගම පොලීසිය වැඩිදුර විමර්ශන සිදුකරයි.

---