නව ගිවිසුමක්.. නීතිය ක්‍රියාත්මක කිරීම තවදුරටත් ශක්තිමත් කරයි

2026 ඔක්‍තෝබර් 24, පෙ.ව. 12:04

---

---

බදු පැහැර හැරීම් සහ මුදල් විශුද්ධිකරණය වැළැක්වීම සඳහා දේශීය ආදායම් හා සුරාබදු දෙපාර්තමේන්තු අතර අවබෝධතා ගිවිසුමක් අත්සන් කර ඇත.

ඒ අනුව ඒකාබද්ධ යාන්ත්‍රණයක් ඔස්සේ බුද්ධිමය තොරතුරු හුවමාරු කර ගැනීමටත්, ඒ මත පදනම්ව සමාන්තර විමර්ශන සිදුකිරීමටත් දේශීය ආදායම් දෙපාර්තමේන්තුව සහ සුරාබදු දෙපාර්තමේන්තුව කටයුතු කරනු ඇත.

නියෝජ්‍ය භාණ්ඩාගාර ලේකම් ඒ. එන්. හපුගලගේ ප්‍රධානත්වයෙන් (21) දින මුදල්, ක්‍රමසම්පාදන සහ ආර්ථික සංවර්ධන අමාත්‍යාංශයේදී එම ගිවිසුම අත්සන් කර ඇත.

එම පියවර මගින් රජයේ බදු ආදායම සුරක්ෂිත කරමින් මූල්‍ය විනය සහ නීතිය ක්‍රියාත්මක කිරීම තවදුරටත් ශක්තිමත් කිරීමට අපේක්ෂා කරන බව මුදල්, ක්‍රමසම්පාදන සහ ආර්ථික සංවර්ධන අමාත්‍යාංශය සඳහන් කරයි.

---