2026 නොවැම්‍බර් 03, පෙ.ව. 12:36
හෝමාගම ප්‍රාදේශීය සභා බලප්‍රදේශය තුළ මහමඟ සැරිසරන සුනඛයන් පිළිබඳ නිවැරදි දත්ත පද්ධතියක් පවත්වාගෙන යාම සහ උන්ගේ සෞඛ්‍ය තත්ත්වය මෙන්ම ගැවසෙන ස්ථාන නිරීක්ෂණය කිරීමේ අරමුණින්, එම සතුන්ගේ සිරුර තුළට ‘ක්ෂුද්‍ර චිප්’ බද්ධ කිරීමේ නව්‍ය වැඩපිළිවෙළක් හෝමාගම ප්‍රාදේශීය සභාව විසින් ආරම්භ කර තිබේ.
මෙම තාක්ෂණික ක්‍රමවේදය ඔස්සේ එක් එක් සත්වයා වෙන් වෙන් වශයෙන් හඳුනාගැනීමටත්, අවශ්‍ය ඕනෑම මොහොතක උන්ගේ සෞඛ්‍ය වාර්තා පරීක්ෂා කිරීමටත් පළාත් පාලන බලධාරීන්ට හැකියාව ලැබේ. විශේෂයෙන්ම යම් පුද්ගලයෙකු සුනඛ සපාකෑමකට ලක්වන අවස්ථාවලදී හෝ හදිසි අවස්ථාවන්හිදී, අදාළ සුනඛයා ජලභීතිකා මර්දන එන්නත් නිසි පරිදි ලබා ඇත්දැයි තහවුරු කරගැනීමටත්, එම සතුන් ගැවසෙන නිශ්චිත ප්‍රදේශ සොයා ගැනීමටත් මෙම නව දත්ත පද්ධතිය මඟින් ක්ෂණික පහසුකම් සැලසෙනු ඇත.
ප්‍රකට සංචාරක කලාපයක් වන ගාල්ල ඇතුළු දිවයිනේ ප්‍රදේශ රැසකම මහමඟ සැරිසරන සුනඛ ගහනය ඉහළ යාම මහජනතාවට මෙන්ම සංචාරකයින්ටද දැඩි ගැටලුවක් බවට පත්ව තිබේ.
එහෙත්, මෙම සතුන් පිළිබඳ නිවැරදි තොරතුරු රැස් කිරීම සහ ක්‍රමවත් ලේඛනගත කිරීමක් පවත්වාගෙන යාම පළාත් පාලන ආයතන හමුවේ පැවති ප්‍රධානතම අභියෝගයක් විය. හෝමාගම ප්‍රාදේශීය සභාව ආරම්භ කළ මෙම නව වැඩසටහන මඟින් එම ගැටලුවට තාක්ෂණික විසඳුමක් ලැබෙනු ඇතැයි අපේක්ෂා කෙරේ.
මේ අතර, සුනඛයන් ලියාපදිංචි කිරීම සහ ප්‍රතිශක්තිකරණ එන්නත් ලබාදීම හරහා ජලභීතිකා රෝගය මුලිනුපුටා දැමීම අරමුණු කරගත් තවත් විශේෂ වැඩසටහනක් හැටන් – දික්ඔය නගර සභා ශාලාවේදී පසුගියදා සාර්ථකව පවත්වා තිබේ.
2026 නොවැම්‍බර් 03, පෙ.ව. 12:33
2026 නොවැම්‍බර් 03, පෙ.ව. 12:18
2026 නොවැම්‍බර් 03, පෙ.ව. 12:15
2026 නොවැම්‍බර් 03, පෙ.ව. 12:12
2026 නොවැම්‍බර් 03, පෙ.ව. 12:10
03-11-26
03-11-26
03-11-26
03-11-26
03-11-26
03-11-26
03-11-26
03-11-26
02-11-26
02-11-26
02-11-26
02-11-26
01-11-26
01-11-26
31-10-26
31-10-26
31-10-26
31-10-26
31-10-26
31-10-26
31-10-26
31-10-26
30-10-26
30-10-26