ක්‍රිකට් තහනම ඉවත්වෙන ලකුණු – ICC ප්‍රධානියෙක් දිවයිනට

2024 ජනවාරි 10, ප.ව. 10:10

---

---

ජාත්‍යන්තර ක්‍රිකට් කවුන්සිලයේ ප්‍රධාන විධායක නිළධාරී Geoff Allardice මහතා ඇතුළු නියෝජිත පිරිසක් සමඟ ක්‍රීඩා අමාත්‍ය හරීන් ප්‍රනාන්දු මහතා සාකච්ඡාවක් පැවැත්වුවා.

ශ්‍රී ලංකාවට පනවා තිබෙන ICC තහනම ඉවත් කිරීම සම්බන්ධයෙන් මෙහිදි සාකච්ඡාව කළේය.

මෙරට ක්‍රිකට් ක්‍රීඩාව සම්බන්ධයෙන් අතිශය සුබවාදී බලාපොරොත්තු තබාගත හැකි විශේෂ හමුවක් බවට මෙය පත් වු බව ක්‍රීඩා අමාත්‍යවරයා පවසනවා.

අදාළ සාකච්ඡාවේ ප්‍රතිඵලයක් ලෙස අද සවස ජනාධිපති රනිල් වික්‍රමසිංහ මහතා සමඟ ද ICC ප්‍රධාන විධායක නිලධාරිවරයා සාකච්ඡාවක් පැවැත්වුවා.

ජාත්‍යන්තර ක්‍රිකට් කවුන්සිලයේ (ICC) ප්‍රධාන විධායක නිළධාරී Geoff Allardice මහතා ඇතුළු නියෝජිත පිරිස ජනාධිපති රනිල් වික්‍රමසිංහ මහතා හමුවුණා.

ක්‍රිකට් ක්‍රීඩාවේ ප්‍රවර්ධනය මෙන්ම එය නැවත පුනර්ජීවනයට ලක් කිරීම පිළිබඳව එහිදී දීර්ඝ වශයෙන් සාකච්ඡා කරනු ලැබුවා.

මෙරට ක්‍රිකට් ක්‍රීඩාව ගොඩනැංවීම වෙනුවෙන් ජාත්‍යන්තර ක්‍රිකට් කවුන්සිලය ලබාදෙන සහයෝගය පිළිබඳව ද මෙහිදී සිහිපත් කෙරුණා.

---