පොඩි කෙල්ලෝ පළමු තරගය ජය ගනී – දෙවැනි තරගය ඇරඹෙයි

2024 දෙසැම්‍බර් 16, පෙ.ව. 9:17

---

---

ආසියානු වයස 19න් පහළ කාන්තා ක්‍රිකට් තරගාවලියේ මැලේසියාව සමග තරගය ලකුණු 94කින් ජය ගැනීමට ශ්‍රී ලංකා වයස අවුරුදු 19න් පහළ කණ්ඩායම සමත් විය.

මැලේසියාවේදී පැවැත්වෙන තරගාවලියේ පළමු තරගයේ ප්‍රථමයෙන් පන්දුවට පහර දුන් ශ්‍රී ලංකා කාන්තා වයස 19න් පහළ කණ්ඩායම කඩුලු 4කට ලකුණු 153ක් ලබා ගත්තේය.

නායිකා මනුදී නානායක්කාර නොදැවී ලකුණු 74ක් ද, තිලකරත්න ඩිල්ෂාන්ගේ දියණිය වන ලිමන්සා තිලකරත්න නොදැවී ලකුණු 41ක් ලබාගත්තා.

මැලේසියානු වයස 19න් පහළ කාන්තා කණ්ඩායමට පන්දුවාර 20දී කඩුලු 6ක් දැවී ලබා ගත්තේ ලකුණු 59ක් පමණි.

තරගාවලියේ බංග්ලාදේශ වයස 19න් පහළ කාන්තා කණ්ඩායම සහ ශ්‍රී ලංකා වයස 19න් පහළ කාන්තා කණ්ඩායම අතර තරගය මේවන විට පැවැත්වෙයි.

තරගයේ කාසියේ වාසිය දිනූ ශ්‍රී ලංකාව ප්‍රථමයෙන් පන්දු යැවීමට තීරණය කළේය.

---