චාමර වීරසිංහ ගැන චාමරගේ සමීපතමයෙක් කළ ආන්දෝලනාත්මක හෙළිදරව්ව මෙන්න

2024 ජනවාරි 19, පෙ.ව. 12:00

හදිසි අසනීප තත්ත්වයක් හේතුවෙන් රෝහල් ගත කෙරුණු ප්‍රසිද්ධ ගායන ශිල්පී චාමර වීරසිංහ මහතා මේ වන විට තවමත් දකුණු කොළඹ ශික්ෂණ රෝහල ප්‍රතිකාර ලබමින් පසු වනවා.

එලෙස ප්‍රතිකාර ලබමින් සිටින ඔහුගේ සැප දුක බැලීම සඳහා විශාල රසික පිරිසක් රෝහලට පැමිණීම හේතුවෙන් සිදුවන අපහසුතාවය නිසා පවුලේ උදවිය රසිකයින් ගෙන් විශේෂ ඉල්ලීමක්ද කර තිබුණා.

එයට හේතුව නම්, එසේ පැමිණීම රෝහල් කාර්යමණ්ඩලයට සේම ඔහුට ද විශාල අපහසුතාවයක් ඇති කරන බවයි.

මේ අතර, මේ වන විටත් රෝහල්ගතව සිටින චාමර ගැන නවතම තත්ත්වය කියමින් චාමරගේ අවසන් ප්‍රසංගයේ නිවේදන කටයුතු සිදු කළ නිරෝෂන් ප්‍රේමරත්න සංවේදී සටහනක් සිය මුහුණු පොතට එක් කර තිබුණා.

‘ආදරණීය චාලි . අදට හරියට ම මාසයක් කලුබෝවිල දැඩි සත්කාර ඒකකයේ. ගෙවී ගිය දවස් තිහේම මේ රටේ මිනිස්සු චාලිට ආශීර්වාද කලා. චාලි ගේ සහෝදරයො ටික සහෝදරියො ටික හැමෝම එක වගේ චාලි වෙනුවෙන් වෙහෙසුනා උනන්දු උනා. දුරකථනයෙන් කතා කරල බොහෝ රසික පිරිසක් චාලී ගැන හොයල බැලුව. වෙන රටකට ගිහිල්ලා හරි බෙහෙත් කරමු අපි වියදම් කරන්නම් කියල පුද්ගලිකව කතා කරපු නන්නාදුනන මිනිස්සු හිටියා.’

‘මේ දවස් තිහේම නොකඩවා උදේ දවල් හවස චාලි ගෙ බිරිද කලුබෝවිල රෝහලට ආවා. ඇය සමහර දවස් වල රෝහලෙන් එළියට ආවේ බොහෝම කැලබීමෙන් . චාලී ගැන උනන්දුවක් නොතිබුණු යාලුවෙක් නැති තරම්. රටේ හැමෝම චාලි ගැන හොයල බැලුව. ඒත් මාසයක් ගතවෙන අද ඇත්තටම යම් සැනසීමක් තියන දවසක්. අද චාලි බලන්න ගියා. ඒ වෙලාවෙ නින්ද ගිහින්. විනාඩ් දෙක තුනකින් ඇස් අරිද්දි මාව දැකපු චාලි හඩක් නැතුව තොල් අතරින් නිරෝ කියල අතින් අල්ලා ගත්තා .’

‘රටේ හැම තැනම මිනිස්සු ඔයා බලාගෙන ඉන්නවා. හෙමිහිට නැගිටිමු කියද්දි උබේ ඇස් දෙපැත්තෙන් එච්චර කදුළු එනවා මම කවදාවත් දැකලා නෑ මිත්‍රයා . තව දවස් කීපයකින් දැඩි සත්කාර ඒකකයෙන් චාලී එලියට එයි . ඒත් රෝහලේ තව යම් කාලයක් ඉන්න වෙයි. චාලී වෙනුවෙන් වෙහෙසෙන කලුබෝවිල රෝහලේ සියලුම දෙනාට ගොඩාක් පිං . හොයා බලපු ආදරේ කරපු ආදර්ණීය උතුම් මිනිසුනි ඔබටත් බොහෝම පිං. චාලී ආයෙමත් අපි ඉස්සරහ සින්දු කියන දවසක් එන තෙක් අපි වෙනදා වගේම චාලි ට ආශීර්වාද කරමින් බලා සිටිමු. බුදුසරනයි , දෙවි පිහිටයි චාලී…’