ජීවිතේ දිනන්න හදන අයට රොෂාන් ප්‍රනාන්දුගෙන් ආදර්ශමත් සටහනක්

2026 ජූලි 03, පෙ.ව. 12:18

---

---

රොෂාන් ප්‍රනාන්දු කියන්නේ ලංකාවේ සංගීත ක්ෂේත්‍රය තුළ ඉන්න ප්‍රවීණ, ඒ වගේම පරම්පරා ගණනාවක ආදරය නොඅඩුව දිනාගත්තු අතිශය ජනප්‍රිය ගායකයෙක්නේ. 

කාලයක් තිස්සේ ලස්සන සින්දු ගොඩකින් අපේ හිත් පිනවපු ඔහු, පසුගිය දවසක තමන්ගේ ආදරණීය රසිකයන් එක්ක අපූරු ඡායාරූප පෙළක් බෙදාගෙන තිබුණා.

මේ ඡායාරූපවලට වඩා හැමෝගෙම අවධානය දිනාගත්තේ ඔහු ඒත් එක්ක මුහුණුපොතේ පළ කරලා තිබුණු හරිම වටිනා, කාටත් ජීවිතයට ලොකු ආදර්ශයක් ගන්න පුළුවන් අපූරු සටහනයි.

ඔහු ඒ ඡායාරූප එක්ක මෙන්න මේ විදිහට සටහන් කරලා තිබුණා…

“යහපත් අරමුණු මිනිස්සුන්ව නොහිතන තැන් වලට අරගෙන යනවා ! උත්සහ කරන්න මහන්සි වෙන්න තමන් කරන වෘත්තියේ ඉහළටම යන්න. බැහැයි කියලා දෙයක් නැහැ..”

මේ වචන ටික ඇතුළේ කොයි තරම් ලොකු ගැඹුරු අදහසක් තියෙනවද නේද? සංගීත ලෝකය ඇතුළේ රොෂාන් අද ඉන්න තැනට ආපු ගමන ලේසි පහසු එකක් නෙවෙයි. මුල ඉඳන්ම ලොකු කට්ටක් කාලා, කැපවීමෙන් ආපු ගමනක්. හැබැයි තමන්ගේ හිතේ තියෙන යහපත් අරමුණක් එක්ක නොපසුබටව මහන්සි වුණොත්, අවංකව තමන්ගේ වෘත්තියේ යෙදුනොත් ඕනෑම කෙනෙකුට ජීවිතේ ජයගන්න පුළුවන් කියන එක ඔහු අද ප්‍රායෝගිකවම ඔප්පු කරලා පෙන්නලා තියෙනවා.

ජීවිතේ එකින් එක පඩිපෙළ නැගලා ඉහළටම ගියපු ඔහු, අද ඒ තැන ඉඳන් ජීවිතේ දිනන්න මහන්සි වෙන අනිත් අයටත් දෙන මේ පණිවිඩය ඇත්තටම අගය කළ යුතුමයි.

---