ඩොලරයේ මිල ශීඝ්‍රයෙන් ඉහළට

2026 ජූනි 24, පෙ.ව. 11:42

---

---

අද දින ශ්‍රී ලංකාවේ වාණිජ බැංකු වල ඇමරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වී ඇති අතර, විකුණුම් අනුපාතිකය රු. 339 ක් ලෙස ස්ථාවරව පවතී.

සෙලාන් බැංකුවට අනුව, ඇමරිකානු ඩොලරයේ මිලදී ගැනීමේ සහ විකිණීමේ අනුපාත පිළිවෙලින් රු. 329.25 සහ රු. 339.50 ක් ලෙස නොවෙනස්ව පවතී. NDB බැංකුවේ, ඇමරිකානු ඩොලරයේ මිලදී ගැනීමේ අනුපාතිකය රු. 330.00 සිට රු. 330.90 දක්වා ඉහළ ගොස් ඇති අතර, විකුණුම් අනුපාතිකය ද රු. 339.00 සිට රු. 339.90 දක්වා ඉහළ ගොස් තිබේ.

මහජන බැංකුවේ, ඇමරිකානු ඩොලරයේ මිලදී ගැනීමේ අනුපාතිකය රු. 328.48 සිට රු. 329.21 දක්වා ඉහළ ගොස් ඇති අතර, විකුණුම් අනුපාතය ද රු. 338.81 සිට රු. 339.57 දක්වා ඉහළ ගොස් තිබේ.

කොමර්ෂල් බැංකුව වාර්තා කරන්නේ එක්සත් ජනපද ඩොලරයේ ගැනුම් අනුපාතිකය සහ විකුණුම් අනුපාතිකය පිළිවෙලින් රුපියල් 328.31 සිට රුපියල් 329.06 දක්වා සහ රුපියල් 338.25 සිට රුපියල් 339.00 දක්වා ඉහළ ගොස් ඇති බවයි.

සම්පත් බැංකුවේ, ගැනුම් සහ විකුණුම් අනුපාතිකය පිළිවෙලින් රුපියල් 330.00 සිට රුපියල් 332.00 දක්වා සහ රුපියල් 339.00 සිට රුපියල් 341.00 දක්වා ඉහළ ගොස් තිබේ.

---