hit counter

2024 මාර්තු මස 29 වන සිකුරාදා

2022 ජූනි 15, පෙ.ව. 9:53



ලංකා විදුලිබල මණ්ඩලයේ හිටපු සභාපති එම්.එම්.සී. ෆර්ඩිනැන්ඩු මහතා පසුගියදා කෝප් කමිටුවේදී සිදු කළ ප්‍රකාශය සම්බන්ධයෙන් කලකිරීමට පත්වූ බව අදානි සමාගම පවසයි.

ඉන්දීය අග්‍රාමාත්‍ය නරේන්ද්‍ර මෝදි මහතාගේ බලපෑම මත ජනාධිපති ගෝඨාභය රාජපක්ෂ මහතා විසින් ශ්‍රී ලංකාවේ බලශක්ති ව්‍යාපෘතියක් අදානි සමාගමට ලබා දෙන ලද බවට මෙරට නිලධාරියෙකු සිදු කළ ප්‍රකාශයෙන් ඇති වූ මතභේදාත්මක තත්ත්වය හේතුවෙන් මෙලෙස කලකිරීමට පත්වන බව එම සමාගමේ මාධ්‍ය ප්‍රකාශකවරයා සඳහන් කර තිබෙනවා.

“ශ්‍රී ලංකාවේ ආයෝජනය කිරීමේ අපගේ අභිප්‍රාය වන්නේ වටිනා අසල්වැසියෙකුගේ අවශ්‍යතා සපුරාලීමයි. වගකිවයුතු ආයතනයක් ලෙස, මෙය අපගේ ජාතීන් දෙක සැමවිට ම බෙදාගත් හවුල්කාරිත්වයේ අත්‍යවශ්‍ය අංගයක් ලෙස අපි දකිමු. එම විවේචනය හරහා අපගේ කීර්ති නාමයට සිදු වූ හානිය සම්බන්ධයෙන් අපි පැහැදිලිව ම කලකිරීමෙන් ඉන්නේ,” ඔහු ප්‍රකාශ කර තිබෙනවා.

මන්නාරම සුළං බලාගාර ව්‍යාපෘතිය සෘජුව ම ඉන්දීය අදානි සමාගමට ලබා දෙන ලෙස අගමැති මෝදි බලපෑම් කිරීම ගැන ජනාධිපති ගෝඨාභය රාජපක්ෂ මහතා තමන් වෙත පැවසූ බව එම්.එම්.සී.ෆර්ඩිනැන්ඩු මහතා පසුගියදා කෝප් කමිටුවේදී ප්‍රකාශ කළා.

කෙසේ වෙතත්, පසුව ඒ මහතා එම ප්‍රකාශය සම්පූර්ණයෙන් වැරදිසගහත බව සඳහන් කරමින් කෝප් කමිටුවේ සභාපතිවරයා වෙත ලිපියක් යොමු කර තිබුණා.

අනතුරුව එම්.එම්.සී.ෆර්ඩිනැන්ඩු මහතා සභාපති ධූරයෙන් ඉල්ලා අස් වුණා.