“ඔයාට අපාය පෙන්වන්න මම සූදානම්” – ඩඩ්ලිගෙන් හිටපු ඇමතිට තර්ජනයක්

2022 ජූලි 05, ප.ව. 1:07

---

---

උඩරට ප්‍රදේශයේ සමඟි ජන බලවේගයේ හිටපු ඇමතිවරයෙකු සිදු කළ ප්‍රකාශයක් සම්බන්ධයෙන් පිළිතුරු ලබා දීමක් අරලිය සහල් අධිපති ඩඩ්ලි සිරිසේන මහතා විසින් ඊයේ මාධ්‍ය හමුවේදී සිදු කළා.

එහිදී සිරිසේන මහතා කියා සිටියේ “ඇමතිතුමා ඔයා පරිස්සමෙන් මේ රට නැතිකරන්න ඔයා පුරුදු කරලා තියෙන්නේ. ඔයා විතරක් නෙවෙයි ඔයාගේ දරුවන්ගේ ෆයිල් පවා මගේ ළඟ තියෙන ඒවා ඇදගන්න එපා.” යනුවෙනුයි.

දිවයිනේ පුරා ගොවි ජනතාව සමග සාකච්ඡා කර මෙවර යල කන්නයේ වී අස්වැන්න වී මිටිය රුපියල් 10,000ත් 11,000ත් අතර මිලකට මිලදී ගන්නා බවත් ගොවි ජනතාවත් පාරිභෝගිකයාත් ආරක්ෂා  කිරීම මෙම තීරණය ගන්නා බවත් සහල් නිෂ්පාදනය නොකරන සහල් මෝල් පිළිබඳව සොයා බලා තීරණයක් ගැනීමට කිසිවෙක් නොමැති වීම ගැන කණගා‍ටු වන බවත් ඒ මහතා පවසයි.

මෙවර සහල් මිලදී ගැනීමේදී ගොවියාගේ ප්‍රශ්න ගැටළු, ජීවන වියදම් ප්‍රශ්න විසඳන සාධාරණ මුදලක් ගෙවීමට තමන් එකඟ වන බවද ඒ මහතා සඳහන් කළා.

ඊයේ පැවති මාධ්‍ය හමුවකට එක්වෙමින් ඒ මහතා මේ බව පැවසුවා.

“අලුත් ගොවිතැනින් එන නිෂ්පාදනය සඳහා ගොවියාට සාධාරණ මිලක් මම සියල්ලන්ගේම එකමුතුවෙන් තීන්දුවක් කරනවා. ඒක නිසා ඒ පිළිබඳව ඒක ගැන කිසිම සැකයක් සංකාවක් තියාගන්න එපා. දැනට වුණත් අපිට ඒ පිළිබඳව නිකන් ඉඟියක් වාගේ දෙන්න පුළුවන්. රුපියල් 10,000ත් 11,000ත් අතර වෙන්න පුළුවන්. ගොවියාගේ ප්‍රශ්න ගැටළු, ජීවන වියදම් ප්‍රශ්න විසඳන විදියට සාධාරණ මුදලක් ගෙවන්න අපි එකඟ වෙනවා. ආණ්ඩුව තීන්දු කරත් වෙන කවුරුහරි තීන්දු කරත්. අද දවස වෙද්දී අපිත් නිපුන ව්‍යාපාරයත් ඇරෙන්න අනෙක් කිසිම වී මෝලක් සහල් මේ මිලට සරිලන විදියට නිකුත් කරන්නේ නෑ. ඒක තමයි මගේ ඊළඟ ප්‍රශ්නය. රජය මැදිහත්වෙන්න කියලා කතා කළාට මේ වෙනකල් කිසිම රජයේ නිලධාරියෙක් මේ කටයුත්තට සම්බන්ධ වෙලා නෑ. ඒකෙන් මට තේරෙනවා මේ රජයට වුවමනා වෙලා තියෙන්නේ මගේ පිළිබඳව ප්‍රශ්නයක් විතරයි තිබිලා තියෙන්නේ දැන් මම මේ වැඩේ කරන්න ඉදිරිපත් වුනාට පස්සේ රජයේ කවුරුවත් මේ ගැන කතාකරන්නේ නෑ.”

“වර්තමාන වෙළෙඳ අමාත්‍යවරයාට වී මෝලක් තියෙන එක ඇත්ත ඉතින්, එයා මේ මන්ත්‍රී වුණේ ඊයේ පෙරේදා නේ. එයාගේ මෝලේ වැඩිගානට වික්කයි කියලා දැනට පැමිණිල්ලකුත් නෑ. මම දැන් පස් සැරයකට වැඩිය වෙළෙඳ ඇමතිට කතාකරලා කියලා තියෙනවා මේ සහල් නිෂ්පාදනය කරන්නේ නැති වී මෝල් සම්බන්ධයෙන් තීන්දුවක් තීරණයක් ගන්න මොකක්ද මේ කරන විහිලුව කියලා. මමනම් කියන්නේ හාල් නම් මේ පාලන මිලට වැඩිය ගන්න එපා. ගේමම ඉල්ලන්න. ඊයේ පත්තරේ මම දැක්කා එක මෝල් කාරයෙක්ට අපාය පෙනිලයි කියලා උඩරට පැත්තේ මන්ත්‍රීවරයෙක්, සජබේ මන්ත්‍රීවරයෙක්. ඒ මන්ත්‍රීවරයාට හිටපු ඇමතිවරයාට කියනවා අර ෆයිල්, අර මම කියපු ෆයිල් ලිපි ලේඛන, ඒ ෆයිල් නෑ. ඇමතිතුමා ඔයා පරිස්සමෙන් මේ රට නැතිකරන්න ඔයා පුරුදු කරලා තියෙන්නේ ඔයා විතරක් නෙවෙයි ඔයාගේ දරුවන්ගේ පවා මගේ ළඟ තියෙන ඒවා ඇදගන්න එපා. මේ අපාය පේන්න, මට ඉස්සරවෙලා ඔයාට මම අපාය පෙන්නලා තමයි මම නතරවෙන්නේ කියන එක ඒ ඇමතිවරයා භාරගන්න කියන එක මේ අවස්ථාවේ විශේෂයෙන් ප්‍රකාශයක් කරනවා.”

---