සාමාන්‍ය පෙළ ප්‍රතිඵල එන දිනය එළියට

2023 නොවැම්‍බර් 21, ප.ව. 3:17

අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල ඉදිරි දින කිහිපයේදී නිකුත් කරන බව අධ්‍යාපන අමාත්‍ය ආචාර්ය සුසිල් ප්‍රේමජයන්ත් මහතා පවසනවා.

අද (21) පාර්ලිමේන්තුවේදී අදහස් දක්වමින් අමාත්‍යවරයා පැවසුවේ අ.පො.ස. උසස් පෙළ විභාගය පැවැත්වීමට සියළු කටයුතු සංවිධානය කර ඇති බවයි.

පසුගිය උසස් පෙළ ප්‍රතිඵල ප්‍රමාද වූයේ උත්තර පත්‍ර පරීක්ෂාව මාස තුනක් ප්‍රමාද වූ නිසා බවත් අමාත්‍යවරයා සඳහන් කළා.

නැත්නම් උසස් පෙළ නොවැම්බර් පටන් ගැනීමට හැකියාව තිබූ බවද ඔහු කියා සිටියා.