2022 ජූනි 21, ප.ව. 3:30
මුලතිව් පුදුකුඩිඉරිප්පු උදයාර්කට්ටු ප්රදේශයේදී ඉඩමක වලදමා තිබූ භූමිතෙල් ලීටර් 715 ක ප්රමාණයක් ගොඩගෙන අද (21) දින මුලතිව් අධිකරණයට ඉදිරිපත් කිරීමට පියවර ගෙන ඇතැයි පුදුකුඩිඉරිප්පු පොලීසිය පවසයි.
ප්ලාස්ටික් බැරල් 7ක අඩංගු කොට තිබූ අදාල ඉන්ධන තොගය මෑත කාලයේදී වලදැමූ ඉන්ධන නොවන බවටත් යුද සමයේදී කොටි ත්රස්ත සංවිධානය විසින් මතු ප්රයෝජනය සඳහා වලදමා තිබූ ඒවා බවට සැකපලකරන බවටද පොලීසිය පැවසුවා.
උදයාර්කට්ටු ප්රදේශයේ පදිංචි කන්දසාමී නැමත්තාගේ ඉඩම එලිපෙහෙලි කරන අවස්ථාවේදී අදාල ඉන්ධන බැරල් පොළවෙන් මතුවීම හේතුවෙන් එම වැසියා යුද හමුදාවට දැනුම් දී පසුව යුද හමුදාව විසින් පුදුකුඩිඉරිප්පු පොලිස් ස්ථානාධිපතිවරයාට දැනුම් දී තිබෙනවා.
පුදුකුඩිඉරිප්පු පොලීසිය මගින් ඒ පිළිබඳව මුලතිව් අධිකරණයට දැනුම් දීමෙන් පසුව ඊයේ (20) දින මුලතිව් මහෙස්ත්රාත් ආර්. සර්වණරාජා මහතාගේ ප්රධානත්වයෙන් අදාල ස්ථානයේ කැනීම් සිදු කොට පොළව යට දමා තිබූ ඉන්ධන බැරල් 07ක් ගොඩට ගත් අතර එම බැරල්වල අඩංගු කොට තිබූ භූමිතෙල් ලීටර් 715 ක් සොයාගනු ලැබුවා.
ඒ පිළිබඳව අදහස් දැක්වූ ඉඩමේ හිමිකරු කන්දසාමි වැසියා පොලීසියට පවසා සිටියේ,
‘මම මේ ඉඩම යුද්දෙ නිසා අතෑරලා ගියේ 2009 අවුරුද්දේ ජනවාරි මාසේ නැවත යුද්දෙන් පසුව පදිංචියට ආවේ 2011 අවුරුද්දේ. ඉන්පසුව මේ ඉඩමේ කිසිම සංවර්ධන වැඩක් කලේ නැහැ. පස්සේ මම මේ ඉඩමේ වගාවක් කරන්න හිතලා පස්කපන යන්ත්රයකින් පොළව සකස් කරන කොට මේ බැරල් මතු වුනා. මේවා කාගෙද කියන්න මම නොදන්න නිසා යුහ මුදාවට දැනුම් දුන්නා.”
ගොඩට ගත් භූමිතෙල් තොගය භාවිතයට සුදුසු අයුරින් පවතින බවටත් අදාල භූමිතෙල් අද (21) දින අධිකරණයට ඉදිරිපත් කිරීමට පියවර ගෙන ඇති බවටද පරික්ෂණ සිදුකරන පුදුකුඩිඉරිප්පු පොලීසිය වැඩිදුරටත් පැවසුවා.
වන්නි – රොමේෂ් මධුසංක
2024 සැප්තැම්බර් 08, පෙ.ව. 12:06
2024 සැප්තැම්බර් 08, පෙ.ව. 12:05
2024 සැප්තැම්බර් 08, පෙ.ව. 12:04
2024 සැප්තැම්බර් 08, පෙ.ව. 12:02
2024 සැප්තැම්බර් 08, පෙ.ව. 12:00