රට ගොඩනැගීමට හවුල් වනවා වෙනුවට සමහරු ආණ්ඩුවේ කකුලෙන් අදිනවා – මැල්කම් කාදි­නල් රංජිත් හිමි

2026 ජූලි 08, පෙ.ව. 12:10

---

---

මෙරට ජන­තාව මැති­ව­ර­ණ­ය­කින් ලබා­දුන් ස්ථාවර තීන්දු­ව­කට ගරු කර­මින් රට ගොඩ­නැ­ඟී­මට දායක වෙනවා වෙනු­වට, ආණ්ඩුව පිහි­ටුවූ පසු­දින සිටම බලය පැහැ­ර­ගැ­නීමේ පටු දේශ­පා­ලන ව්‍යාපා­ර­යක සම­හ­රුන් නිරත වන බව කොළඹ අග­ර­ද­ගුරු අති උතුම් මැල්කම් කාදි­නල් රංජිත් හිමි­පාණෝ පව­සති.

ආණ්ඩු­වල ‘කකු­ලෙන් ඇදීමේ’ සාම්ප්‍ර­දා­යික කෙටි මාර්ග හරහා කිසිදා රටක් දියුණු කළ නොහැකි බව උන්ව­හන්සේ මෙහිදී අව­ධා­ර­ණය කළහ.

උන්ව­හන්සේ මේ බව ප්‍රකාශ කළේ පසු­ගි­යදා ක්‍රිස්ති­යානි තරුණ කම්කරු ව්‍යාපා­රයේ (YCS) 75 වැනි සංව­ත්සර උත්ස­ව­යට කොළ­ඹදී එක්වෙ­මිනි.

එහිදී අද­හස් දක්වූ කාදි­නල් හිමි­පාණෝ

“මම ඊයේ තමයි රෝමයේ ඉඳලා ලංකා­වට කාලෙ­කින් ආවේ. රෝමයේ පැවැත්වූ ශුද්ධෝ­ත්තම 14 වන ලියෝ පාප් වහන්සේ සමඟ පැවැත්වූ කාදි­න­ල්ව­රුන්ගේ සංස­දයේ රැස්වී­මට සම්බන්ධ වුණාට පස්සේ. ඒ වෙලා­වෙදී අපි සාකච්ඡා කළේ ශුද්ධෝ­ත්තම ලියෝ පාප්ව­හන්සේ විසින් සකස් කරන ලද උන්ව­හ­න්සේගේ පළ­මු­වැනි විශ්ව ලේඛ­නය ගැනයි. මෙම විශ්ව ලේඛ­නය ඉතා­මත්ම සංකීර්ණ ඒ වගේම ඉතා­මත් වැද­ගත් පණි­වි­ඩ­යක් ලෝක­යට සමා­ජ­යට කියා­පා­නවා.

අද මේ සමා­ජයේ ඇතැම් අය සල්ලි හම්බ කරන්න ඕනෑම දෙයක් කර­නවා. ඒක හරිද වැර­දිද නීත්‍ය­නු­කූ­ලද මේ කරන දෙය අනිත් අයට පීඩා­වක්ද ඒවා කල්පනා කරන්නේ නැහැ. මේක අද සමා­ජය තුළ තියෙන ලොකු ප්‍රශ්න­යක්.

අපි අවු­රුදු දෙක­කට ඉස්සෙල්ලා ඡන්ද­යක් තියලා ආණ්ඩු­වක් පිහි­ටුවා ගත්තා. ජන­තාව ස්ථාවර තීන්දු­වක් ලබා දුන්නා. හැබැයි ඒ පත්ක­ර­ගත්ත පහු­වෙ­නිදා ඉඳ­ලම සම­හරු පටන් ගත්තේ මේ ආණ්ඩුව පෙර­ළලා අපි බල­යට එමු කියන ව්‍යාපා­ර­යයි. ‘අපි හැමෝම එකතු වෙලා රට හදමු’ කියලා ඒ අය හිතන්නේ නැහැ. මුළු වෙලා­වෙම බලන්නේ ආණ්ඩුවේ කකු­ලෙන් අදි­න්නයි. බල­යට එන්න තියෙන ‘ෂෝට්කට්’ එක ඒක තමයි. මේවා අපේ මිනිස්සු දේශ­පා­ල­නි­කව වහල් වෙලා තියෙන වැරදි දේවල්.

අපි එක­තු­වෙලා රට හදමු. ජන­තාව දැන් තීන්දු­වක් දුන්නා. ඒ තීන්දුව අනුව අපි සියලු දෙනාම එක­තු­වෙලා රට හදමු කියලා ඒ අය කල්පනා කරන්නේ නෑ.

මුළු වෙලා­වෙම කකු­ලෙන් අදින්න තමයි බලන්නේ. ඒක තමයි ෂෝට් කට් එක. බල­යට එන්න තියෙන ෂෝට් කට් එක.

අපේ රට ගොඩ­න­ඟ­න්නට අපි යම් යම් දේවල් කර­න්නට ඕනේ. යම් යම් තෝරා ගැනීම් සිදු කර­න්නට වෙනවා. ඒ තෝරා ගැනී­ම්වල පරි­ත්‍යා­ග­යක් කියන එකක් තියෙ­න්නට ඕනේ.

කෙටි මාර්ග­ව­ලින් ලංකාව දියුණු කරන්න බැහැ. ඒ සඳහා කැප­කි­රීම් සහ පරි­ත්‍යා­ග­යන් අව­ශ්‍යයි. නමුත් අපේ රටේ නාය­ක­යන් දේශ­පා­ලන කෙටි මාර්ග සොයා යමින් රට විනාශ කළා. ඒ වගේම අද සමා­ජයේ ඇතැම් අය සල්ලි හම්බ කරන්න ඕනෑම ජන විරෝධී දෙයක් කර­නවා. තමන් කරන දේ හරිත වැර­දිද, සදා­චා­රා­ත්ම­කද, නැත්නම් අනෙක් අයට පීඩා­වක්ද කියලා ඔවුන් කල්පනා කරන්නේ නැහැ.

උතුරු නැඟෙ­න­හිර ප්‍රශ්නය අන­වශ්‍ය ප්‍රශ්න­යක්. මේ රට නිද­හස ලබපු වෙලා­වෙදී සිංහල, දෙමළ, මුස්ලිම් මේ සිය­ලු­දෙනා සහෝ­ද­ර­යන් වගේ එකට එක­තු­වෙ­ලයි ඒ නිද­හස ලබා­ගත්තේ. දේශ­පා­ලන පක්ෂ පිහි­ටුවා ගත්තා. ජාතිය ආගම පද­නම් කර­ගත්තු පක්ෂ පිහි­ටෙව්වේ නැහැ.

යුක්තිය සහ සාධා­ර­ණය කියන්නේ සූවිප් ටිකට් එකක් වගේ අහ­ම්බෙන් දිනා­ගන්න පුළු­වන් දෙයක් නෙවෙයි. ඒ වෙනු­වෙන් මහන්සි වෙන්න ඕනේ. හරි දේ කරන්න පුරුදු වෙන්න ඕනේ. වැරදි දේ කරලා සමාජ පරි­ව­ර්ත­න­යක් ඇති කරන්න බැහැ. හැමෝම හෘද සාක්ෂි­යට එක­ඟව වැඩ කරන්න පුරුදු වෙන්න ඕනේ”

අපේ රටේ තරුණ ක්‍රියා­කා­රීන් දව­සක මේ සමා­ජයේ ඉහ­ළම තන­තු­රු­ව­ලට පත්වෙන්න පුළු­වන්. එදාට ඔබලා පටු දේශ­පා­ල­න­යෙන් මිදී සැබෑ සමාජ පරි­ව­ර්ත­ක­යන් වෙන්න ඕනේ. සමා­ජය පිරි­සිදු කරන, සමා­ජය සෝදන ප්‍රති­ප­ත්ති­ග­රුක නාය­ක­යන් වෙන්න අදි­ටන් කර­ගන්න.”

---