නවක වදය දෙන්න ගිය රුහුණේ වෛද්‍ය සිසුන්ට පන්ති තහනම්

2022 ඔක්‍තෝබර් 11, ප.ව. 1:11

රුහුණු විශ්වවිද්‍යාලයේ දෙවන වසරේ වෛද්‍ය සිසුන්ගේ අධ්‍යයන කටයුතු අත්හිටුවා තිබෙනවා.

වෛද්‍ය පීඨයේ පළමු වසරේ සිසුන් නවක වදයට ලක් කිරීමට උත්සාහ කිරීම හේතුවෙන් මෙම තීරණය ගෙන ඇති බවයි විශ්වවිද්‍යාල පාලනාධිකාරිය පවසන්නේ.

ඒ අනුව වෛද්‍ය පීඨයේ සිසුන් 200කට අධික පිරිසකගේ අධ්‍යයන කටයුතු මෙලෙස අත්හිටුවීමට කටයුතු කළ බව රුහුණු විශ්වවිද්‍යාලයේ වෛද්‍ය පීඨයේ වැඩබලන පීඨාධිපති මහාචාර්ය චන්න යහතුගොඩ මහතා ප්‍රකාශ කළා.