hit counter

2024 පෙබරවාරි මස 21 වන බදාදා

2023 නොවැම්‍බර් 14, පෙ.ව. 12:04



ක්‍රිකට් තහනම අවුරුදු පහක් පැවතුනද සම්පූර්ණයෙන් නවතා හෝ ක්‍රීඩාව ක්‍රමානුකූලව ගොඩ ගත යුතු බව සමගි ජන බලවේග පාර්ලිමේන්තු මන්ත්‍රී සරත් ෆොන්සේකා මහතා සඳහන් කරයි.

වත්මන් ක්‍රිකට් අර්බුදකාරී තත්වයේ දී තමන් සිටින්නේ ක්‍රීඩා අමාත්‍යවරයාගේ පාර්ශ්වයේ බව බවද ඔහු සඳහන් කළා.

ඔහු මෙම අදහස් පළ කළේ කැළණියේ පිහිටි ඔහුගේ පක්ෂ කාර්යාලයේ දී මාධ්‍ය අමතමින්.

‘ක්‍රිකට් සභාපති එම ධුරයට පත් වුණාට පසුව ක්‍රිකට් කඩා වැටුණා කියලා අපිට දැනුණා. ක්‍රිකට් අද ව්‍යාපාරයක් කරගෙන තිබෙනවා අනුමැතිය ඇතිව පවුල් පිටින් විදෙස් සංචාර යනවා අපි දකිනවා. ඩොලර් ගණන් පඩි ගෙවනවා මේ රටට ඒවා දමා ගන්න අමාරුයි. ක්‍රිකට් තිබෙන්නේ එක එක අයගේ අවශ්‍යතා සපුරා ගන්න නෙවෙයි. ක්‍රිකට් තහනම අවුරුදු පහක් ගියත් කමක් නෑ. මේක සම්පූර්ණයෙන්ම නවත්තලා හරි අවුරුදු පහ ඇතුලත ක්‍රමානුකූලව ගොඩ ගන්න ඕනෑ. ව්‍යාපාරිකයෝ මෙවට රිංගගෙන ඉන්නවා. රට පුරා පිට්ටනියක්වත් නැති ක්‍රිකට් සංගම් තිබෙනවා. ඒ අයගේ ඡන්දෙ පිහිටෙන් ඕක ඇතුලට රිංගනවා. මම මේ අවස්ථාවේ ඉන්නේ ඇමතිතුමාගේ පැත්තේ ඇමතිතුමා යම් යම් තීන්දු ගන්න බව පේනවා. ඒවා ඔක්කොම හරි කියනවා නෙවෙයි නමුත් ඇමතිතුමාට උනන්දුවක් තිබෙනවා ක්‍රිකට් ගොඩ ගැනීමට කටයුතු කරනවා පේනවා. එනිසා මම ඒකට සහයෝගය දෙනවා’





ලිපිය සමග සම්බන්ධ නවතම පුවත්: