ශ්‍රීලනිප 72 වන උපන්දිනය දා හිමිදිරියේම මහින්දගෙන් මෛත්‍රීට ඇමතුමක්!

2023 සැප්‍තැම්‍බර් 03, පෙ.ව. 7:09

ශ්‍රීලනිප සභාපති සහ හිටපු ජනාධිපති මෛත්‍රීපාල සිරිසේන මහතාගේ 72 වැනි උපන්දිනය අදට යෙදී තිබෙන අතර මිට සුළු මොහොතකට පෙර හිටපු ජනාධිපති මහින්ද රාජපක්ෂ මහතා ඔහුට සුභ පැතුම් එක්කර ඇති බව වාර්තා වෙනවා.

මේ අතර ශ්‍රී ලංකා නිදහස් පක්ෂයේ 72 වැනි සංවත්සරය අදට යෙදී තිබීමද විශේෂත්වයක්.

සංවත්සර උත්සවය මිට පෙර පක්ෂ මහා ලේකම් දයාසිරි ජයසේකර මහතාගේ ආසනය වන හෙට්ටිපොල ප්‍රදේශයේ පැවැත්වීමට නියමිතව තිබු අතර අරාධනා පත්‍ර බෙදා අවසන් කර තිබියදී එය හදිසියේම කොළඹට රැගෙන ඒමට පසුව කටයුතු කළා.

මේ අතර මෛත්‍රිපාල සිරිසේන මහතා සමග දීර්ඝ කාලයක් අමනාපව සිටි හිටපු ජනාධිපතිනි චන්ද්‍රිකා කුමාරතුංග මහත්මියද මෙවර සංවත්සර උත්සවයට පැමිණීමට නියමිත අතර කලක් පක්ෂයේ සභාපති තනතුර දරූ මහින්ද රාජපක්ෂ මහතාට මේ සඳහා ආරාධනා කර නැහැ.

දේශපාලන වාර්තාකරු