අකිල ගෙදර යන්න කලින් බය වෙන හේතුව මෙන්න

2026 පෙබරවාරි 24, පෙ.ව. 12:03

ලංකාවේ කලා ලෝකයේ ඉන්න කඩවසම් වගේම දක්ෂ නළුවෙක් තමයි අකිල ධනුද්ධර.

ඉතින් අකිල මුහුණු පොතට එක්කරපු සටහනක් නිසා දැන් සමාජ මාධ්‍යවල ලොකු කතාබහක් ඇති වෙලා තියෙනවා.

මේක නළුවෙක් විදිහට ඔහු මුහුණ දෙන ටිකක් හිනා යන ඒ වගේම බිරිඳගේ ආදරණීය “සැකය” ගැන කියවෙන කතාවක්.

නළුවෙක් වුණාම රූගත කිරීම්වලදී විවිධ මේකප් (Makeup) වර්ග වගේම ඇඳුම් පැළඳුම් පාවිච්චි කරන්න වෙනවා.

අකිල කියන විදිහට, ෂූටින් ඉවර වෙලා ඉක්මනට ගෙදර යන්න හිතාගෙන මේකප් හරියට අයින් කරන්නේ නැතුව ගියොත් වැඩේ “අල” වෙනවලු.

මොකද, අකිලගේ ආදරණීය බිරිඳ ඇඳුමේ තියෙන පොඩි මේකප් පැල්ලමක් පවා ලෙහෙසියෙන් අතහරින්නේ නැති නිසා.

සැමියා නළුවෙක් වුණාම ඔහු වටා ඉන්න රසිකාවියන් සහ නිළියන් ගැන බිරිඳකට පොඩි ඊර්ෂ්‍යාවක් ඇති වීම සාමාන්‍ය දෙයක් වුණත්, අකිලට නම් මේකප් පැල්ලම් කියන්නේ පවුල් ජීවිතේ බේරගන්න ගෙදර යන්න කලින් අනිවාර්යයෙන්ම මකලා දාන්න ඕනේ දෙයක් වෙලා.

අකිලගේ මේ ප්‍රකාශයත් එක්ක බොහෝ දෙනෙක් කියන්නේ මේක බිරිඳගේ සැකයට වඩා අකිල කෙරෙහි තියෙන දැඩි ආදරය සහ අවධානය පෙන්වන දෙයක් කියලා.

කොහොම වුණත් දැන් අකිල ෂූටින් ඉවර වුණ ගමන් මූණ හෝදලා, පිරිසිදු වෙලා ගෙදර යන්න වගබලා ගන්නේ වයිෆ්ගෙන් ලැබෙන “ප්‍රශ්න පත්තරේට” තියෙන බයටමයිලු!