2026 මැයි 14, පෙ.ව. 12:20
ශ්රී ලංකා ක්රීඩා ක්ෂේත්රයේ කීර්තිමත් මෙන්ම දෑවැන්ත චරිතයක් වූ ප්රේමා පින්නවල මහතා අභාවප්රාප්ත විය.
1950 දශකයේ කෝට්ටේ ක්රිස්තියානි විද්යාලයෙන් (Christian Mission College) බිහි වූ කැපී පෙනෙන ක්රීඩකයෙකු වූ ඔහු 1963 දී පේරාදෙණිය විශ්ව විද්යාලයේ ක්රීඩා කවුන්සිලයේ සභාපති ධුරයට පත්වෙමින් ක්රීඩා පරිපාලන ක්ෂේත්රයේ පළමු අත්පොත් තැබීය.
1960 දශකයේ අගභාගයේදී ශ්රී ලංකා රක්ෂණ සංස්ථාවේ සේවය ට එක්වූ ඒ මහතා වසර ගනනාවක් ජනසතු සේවා ක්රීඩා සංගමයේ විවිධ තනතුරු දැරීය.
60 දශකයේම අග භාගයේදී ලංකා මලල ක්රීඩා සංගමයේ කමිටු සාමාජිකයෙකු බවට පත් වූ ඔහු 1978 දී එම සංගමයේ උප සභාපති ධුරයට පත්විය.
ඉන් අනතුරුව 1983 දී ශ්රීලංකා ජාතික ඔලිම්පික් කමිටුවේ මහලේකම් ධුරයට පත් වූ ඔහු 1998 දක්වා ඔහු වසර 15 ක් සාර්ථකව එම තනතුර දැරීය.
නැවත ශ්රී ලංකා මලලක්රීඩා හා සම්බන්ධ වූ ඔහු 1998 දී ශ්රී ලංකා මලල ක්රීඩා සංගමයේ මහලේකම් ධුරයට පත් විය, වසර 25 ක පමණ කාලයක් ශ්රී ලංකා මලලක්රීඩා ප්රධාන ලේකම් ලෙස අසමසම සේවාවක් ඉටු කිරීමෙන් අනතුරුව 2023 දී ඉන් විශ්රාම ගියේය.
2025 වසරේ දී මලලක්රීඩාව වෙනුවෙන් දැක් වූ සුවිශේෂී දායකත්වය අගයමින් ලෝක මලල ක්රීඩා සංගමය විසින් ඔහුට ජ්යෙෂ්ඨ ප්රවීණ ගෞරව සම්මානය පිරිනමන ලදී.
ජාත්යන්තරයේ ඔහු දැරූ තනතුරු අතරින් දකුණු ආසියානු ක්රීඩා කවුන්සිලයේ ලේකම්, ආසියානු ඔලිම්පික් කවුන්සිලයේ මාධ්ය කමිටුවේ ලේකම් සහ ආසියානු මලල ක්රීඩා සංගමයේ කවුන්සිලයේ සාමාජික වැනි තනතුරු විශේෂයෙන් කැපී පෙනේ.
ක්රීඩා පරිපාලනයට අමතරව, ඔහු වසර ගණනාවක් ශ්රී ලංකා රක්ෂණ සංස්ථාවේ සාමාන්යාධිකාරී ලෙස සේවය කළ ඔහු එම කේෂ්ත්රයේ ද කැපී පෙනෙන චරිතයක් විය.
වසර 88 ක් ආයු වළඳා, ශ්රී ලංකාවට පමණක් නොව ආසියානු කලාපයේ මලලක්රීඩා ප්රවර්ධනයට අද්විතීය මෙහෙවරක් ඉටු කොට අපෙන් සමුගත් ප්රේමා පින්නවල මහතාට ක්රීඩා ලැදි අප සැම හිස නමා ගෞරව කළ යුතුව ඇත.
2026 මැයි 14, පෙ.ව. 12:18
2026 මැයි 12, පෙ.ව. 12:31
2026 මැයි 12, පෙ.ව. 12:27
2026 මැයි 12, පෙ.ව. 12:24
2026 මැයි 12, පෙ.ව. 12:20