2026 අගෝස්තු 13, පෙ.ව. 12:15
අතුරුගිරිය ප්රදේශයේ ප්රසිද්ධ ව්යාපාරිකයෙකුගේ නිවසින් බැංකු කාඩ්පත් දෙකක් සොරකම් කර, එමගින් රුපියල් ලක්ෂ 19 කට ආසන්න මුදලක් වංචනික ලෙස ලබාගත් කාන්තාවක් අතුරුගිරිය පොලිසිය මගින් අත්අඩංගුවට ගෙන තිබේ.
සැකකාර කාන්තාවගේ පෙම්වතා පෙදරේරුවෙකු ලෙස අදාළ ව්යාපාරිකයා යටතේ ඉදිකිරීම් කටයුතුවල නිරතව සිට ඇති අතර හදිසි අවශ්යතාවයකට කොළඹට පැමිණෙන තම පෙම්වතියට එක් දිනක් සඳහා ව්යාපාරිකයාගේ නිවසේ නවාතැන් දිය හැකි දැයි ඔහු විමසා තිබේ.
පෙදරේරුවාගේ බිරිඳ සහ ඇයගේ මව ව්යාපාරිකයා කාලයක සිට හඳුනන නමුත්, තමන් නිවසේ තනිව වෙසෙන බැවින් පෙම්වතියට පමණක් නවාතැන් දිය නොහැකි බවත්, මව සමග පැමිණෙන්නේ නම් නවාතැන් දිය හැකි බවත් ව්යාපාරිකයා පවසා ඇති බව සඳහන් වේ.
පොලිස් විමර්ශනවලදී අනාවරණය වී ඇත්තේ, පෙදරේරුවා සිය පෙම්වතියට මව සමග ව්යාපාරිකයාගේ නිවසට ගොස් එහි නතර වී සිටින අතරතුර ව්යාපාරිකයාගේ බැංකු කාඩ්පත් සොරකම් කරන ලෙස උපදෙස් දී තිබූ බවයි. ඒ අනුව, එක් රැයක් පමණක් නිවසේ නතර වූ සැකකාර කාන්තාව සහ ඇයගේ මව, රාත්රී කාලයේදී ව්යාපාරිකයාගේ බැංකු කාඩ්පත් දෙකක් සොරකම් කර නිවසින් පලා ගොස් තිබේ.
නිවසින් පලා යන අතරතුර පෙදරේරුවා ද ඔවුන් සමග එකතු වී ඇති අතර අතරමගදී සොරකම් කරන ලද බැංකු කාඩ්පත් මගින් රුපියල් පනස්දහසක මුදලක් ලබාගෙන තිබේ. ඉන්පසු ඔවුන් වාද්දුව ප්රදේශයේදී සිය විවාහය ලියාපදිංචි කර, එදිනම රාත්රියේ වාද්දුව ප්රදේශයේ හෝටලයක මංගල මධුසමය ගත කර ඇති බව වාර්තා වේ.
මධුසමය ගත කිරීමෙන් පසු පසුදින ඔවුන් වැලිගම ප්රදේශයට යමින් සිටියදී, වරෙන්තු කිහිපයක් මත සැකකාර කාන්තාවගේ පෙම්වතා බව කියන පෙදරේරුවා වැලිගම පොලිසිය මගින් අත්අඩංගුවට ගෙන ඇති අතර ඒ වන විට ඔහු සතුව මත්ද්රව්ය ද තිබී හමු වී තිබේ.
තම පෙම්වතා අත්අඩංගුවට පත්වීමෙන් පසු සැකකාර කාන්තාව මාතර ප්රදේශයට ගොස් ඇති අතර එහිදී ඇය සොරාගත් බැංකු කාඩ්පත් භාවිතා කරමින් නවීන ජංගම දුරකතන දෙකක්, රන් භාණ්ඩ සහ විවිධ දෑ මිලදී ගෙන ඇති බව පොලිසිය පවසයි.
බැංකු කාඩ්පත් භාවිතා කරන ලද අලෙවිසැල්වල ආරක්ෂිත කැමරා (CCTV) දර්ශන පරීක්ෂා කිරීමෙන් පසු, අතුරුගිරිය පොලිසියේ උසස් නිලධාරියෙකුගේ උපදෙස් මත සැකකාර කාන්තාව අත්අඩංගුවට ගැනීමට කටයුතු කර තිබේ. මෙලෙස අත්අඩංගුවට ගෙන ඇත්තේ හම්බන්තොට, සිරිබෝපුර පදිංචි 26 හැවිරිදි එක් දරු මවක්ය. සැකකාරිය අධිකරණයට ඉදිරිපත් කිරීමට නියමිත අතර, අතුරුගිරිය පොලිසිය වැඩිදුර විමර්ශන සිදු කරනු ලබයි.
2026 අගෝස්තු 13, පෙ.ව. 12:24
2026 අගෝස්තු 13, පෙ.ව. 12:17
2026 අගෝස්තු 13, පෙ.ව. 12:14
2026 අගෝස්තු 13, පෙ.ව. 12:10
2026 අගෝස්තු 13, පෙ.ව. 12:10
