බදු ගෙවන අයට දැනුම්දීමක්

2026 අගෝස්‍තු 14, පෙ.ව. 12:14

ජූලි මාසය සඳහා වන එකතු කළ අගය මත බද්ද (VAT) අගෝස්තු (20) වන දිනට පෙර ගෙවිය යුතු බවත් බදු නොගෙවීම හෝ ප්‍රමාද වී ගෙවීම සඳහා දඩ නියම කරන බව දේශීය ආදායම් දෙපාර්තමේන්තුව සඳහන් කරයි.

චෙක්පතකින් හෝ බැංකු අණකරයකින් හෝ ගෙවීම් ඇණවුමකින් සිදු කරන ලබන ගෙවීමක් නියමිත දිනය පසුවී ලැබීම ද ප්‍රමාද ගෙවීමක් ලෙස සලකනු ලබන අතර ජූලි මාසය සඳහා වන වැට් වාර්තා භාරදීම අගෝස්තු මස (31) වන දින හෝ එදිනට පෙර සිදුකළ යුතුය.

රඳවාගත් බදු අගෝස්තු මස (15) වෙනිදාට හෝ ඊට පෙර ගෙවීමට කටයුතු කරන ලෙසත් ජූලි මාසයට අදාළ සමාජ ආරක්ෂණ දායකත්ව බද්ද අගෝස්තු (20) වෙනිදාට හෝ ඊට පෙර ගෙවිය යුතු බවද දේශීය ආදයම් දෙපාර්තමේන්තුව සඳහන් කරයි.