2026 ඔක්‍තෝබර් 09, පෙ.ව. 12:07
උතුරු පළාත තුළ පැවති හමුදා මුරපොළවල් සියල්ල මේ වන විට සම්පූර්ණයෙන්ම ඉවත් කර ඇති බවත්, උතුරේ ජනතාවගේ දෛනික ගමනාගමන කටයුතු කිසිදු බාධාවකින් තොරව නිදහසේ සිදුවන බවත් අමාත්‍ය විජිත හේරත් මහතා පාර්ලිමේන්තුවේදී ප්‍රකාශ කළේය.
පාර්ලිමේන්තුව අමතමින් ඒ මහතා පෙන්වා දුන්නේ, අතීතයේදී පලාලි ඇතුළු උතුරේ මාර්ග රැසක ආරක්ෂක බාධක යොදා ගමනාගමනය අඩාල කර තිබුණ ද, වර්තමානය වන විට එම සියලු බාධක ඉවත් කර සාමාන්‍ය බස් රථ සේවා ඇතුළු ප්‍රවාහන කටයුතු යථා තත්ත්වයට පත් කර ඇති බවයි.
උතුරු පළාතේ මෙන්ම නැගෙනහිර පළාතේ ද පැවති හමුදා මාර්ග බාධක විශාල සංඛ්‍යාවක් දැනටමත් ඉවත් කර ඇති බව හෙතෙම සඳහන් කළේය.
එසේම උතුරේ ඉඩම් නිදහස් කිරීමේ ක්‍රියාවලිය ද කඩිනමින් සිදුකෙරෙමින් පවතින බවත්, අයිතිකරුවන් විදේශගතව සිටීම, මියගොස් තිබීම හෝ වෙනත් පාර්ශ්වයන් අයිතිවාසිකම් කීම නිසා මතුව ඇති ගැටලු නිරාකරණය කරගැනීම සඳහා විශේෂ ඉඩම් කච්චේරි පවත්වමින් ක්‍රමානුකූලව එම ඉඩම්වල අයිතිය තහවුරු කිරීමට පියවර ගන්නා බවත් අමාත්‍යවරයා පැහැදිලි කළේය.
මේ අතර, චෙම්මනි ඇතුළු මෙරට සියලුම සමූහ මිනීවළවල් සම්බන්ධ කැණීම් කටයුතු අධිකරණ අධීක්ෂණය යටතේ සිදුකෙරෙන බව අමාත්‍යවරයා මෙහිදී අවධාරණය කළේය.
එම විමර්ශන සඳහා එක්සත් ජාතීන්ගේ සංවිධානය හෝ අදාළ ජාත්‍යන්තර ආයතනවලින් විද්‍යාත්මක විශේෂඥ සහාය ලබාගැනීමට රජය දැනටමත් කැමැත්ත පළ කර ඇති බව ද ඔහු පැවසීය.
දැනට සිදුවෙමින් පවතින චෙම්මනි සමූහ මිනීවළේ කැණීම් කටයුතු අවසන් වූ වහාම, ඊට අදාළ ඩී.එන්.ඒ. පරීක්ෂණ සහ කාබන් කාලනිර්ණ පරීක්ෂණ නිවැරදිව සිදුකිරීම සඳහා අවශ්‍ය ජාත්‍යන්තර විශේෂඥ සහාය ලබාගැනීමට රජය ඉදිරියේදී කටයුතු කරන බව ද අමාත්‍ය විජිත හේරත් මහතා වැඩිදුරටත් කියා සිටියේය.
2026 ඔක්‍තෝබර් 09, පෙ.ව. 12:24
2026 ඔක්‍තෝබර් 09, පෙ.ව. 12:19
2026 ඔක්‍තෝබර් 09, පෙ.ව. 12:17
2026 ඔක්‍තෝබර් 09, පෙ.ව. 12:11
2026 ඔක්‍තෝබර් 09, පෙ.ව. 12:09
09-10-26
09-10-26
09-10-26
09-10-26
09-10-26
09-10-26
08-10-26
08-10-26
08-10-26
08-10-26
08-10-26
08-10-26
08-10-26
08-10-26
08-10-26
08-10-26
07-10-26
07-10-26
07-10-26
07-10-26
07-10-26
07-10-26
07-10-26
07-10-26