පෙට්‍රල් ගොඩ බාන රුපියල් 481යි : ආණ්ඩුව දෙන්නේ 424 ට : ඩීසල් ගොඩබාන මිල 469යි, ආණ්ඩුව දෙන්නේ 397ට – වෙරිටේ රිසර්ච් හෙළි කරයි

2026 නොවැම්‍බර් 05, පෙ.ව. 12:17

---

---

නොවැම්බර් මාසයේ ඉන්ධන මිල සංශෝධනයත් සමඟ, ඔටෝ ඩීසල් සඳහා වෙළඳපොල මිල හා පිරිවැය ප්‍රතිසාධන සූත්‍ර මිල (cost-recovery formula price) අතර පරතරය සැලකිය යුතු ලෙස පටු වී ඇති අතර, පෙට්‍රල් 92 සඳහා එම පරතරය පුළුල් වී ඇති බව ස්වාධීන වෙළඳ ප්‍රතිපත්ති පර්යේෂණායතනයක් වන Verité Research විසින් මෙහෙයවන PublicFinance.lk වේදිකාව හෙළි කර තිබේ.

ඔටෝ ඩීසල් (2026 නොවැම්බර් 1 වන විට):

• වෙළඳපොල මිල: රු. 397
• පිරිවැය ප්‍රතිසාධන සූත්‍ර මිල: රු. 459
• පරතරය: රු. 62ක් පමණ (ඔක්තෝබර් මාසයේ රු. 75 පමණ සිට පටු වී ඇත)

පෙට්‍රල් 92

• වෙළඳපොල මිල: රු. 424
• (සූත්‍ර මිලට සාපේක්ෂව පරතරය පුළුල් වී ඇති බව වාර්තා වේ)

මිල වැඩිවීම් දෙකම සිදුකර ඇතත්, ඉන්ධන වර්ග දෙකම තවමත් ඒවායේ පිරිවැය ප්‍රතිසාධන සූත්‍ර මිලට වඩා අඩුවෙන් අලෙවි කෙරෙන බවද මෙම වාර්තාව පෙන්වා දෙයි. සූත්‍ර මිල ගණනය කර ඇත්තේ සිංගප්පූරු මිල ගණන් මත පදනම්ව ශ්‍රී ලංකාව එකඟ වී ඇති ඉන්ධන මිල සූත්‍රය අනුව බවත්, විශ්ලේෂණය සඳහා දත්ත ලබාගෙන ඇත්තේ මහ බැංකුව, ලංකා පෙට්‍රෝලියම් සංස්ථාව (CEYPETCO) හා මුදල් අමාත්‍යාංශය වැනි ආයතන වලින් බවත් PublicFinance.lk සඳහන් කරයි.

---