2022 අගෝස්‍තු 15, ප.ව. 3:57
ඩුබායි රටේ දී අත්අඩංගුවට ගත් සංවිධානාත්මක අපරාධකරුවකු සහ මත්ද්‍රව්‍ය ජාවාරම්කරුවකු වන හරක් කටා නැමැත්තාගේ ප්‍රධානතම වෙඩිකරු ඊයේ බොරලැස්ගමුව මාලනී බුලත්සිංහල මාවතේ බෝඩිමක රැඳී සිටියදී අත්අඩංගුවට ගත් බව පොලිස් විශේෂ කාර්ය බලකාය කියයි.
මෙලෙස අත්අඩංගුවට පත්ව ඇත්තේ මිදිගම වැලිගම පදිංචිකරුවෙකු වූ ප්‍රබෝධ කුමාර හෙවත් කදිරා නැමැත්තෙක්.
සැකකරු සන්තකයේ තිබී ටී 56 ගිනි අවි සඳහා භාවිතා කරන ජීව උණ්ඩ 4 ක් හා හොරයින් මත්කුඩු ග්‍රෑම්17 ක් පොලිසිය භාරයට ගෙන තිබෙනවා.
විශේෂ කාර්ය බලකා සංවිධානාත්මක අපරාධ මර්දන ඒකක 2හි නිලධාරීන්ට ලද තොරතුරක් අනුව සැකකරු අත්අඩංගුවට ගෙන තිබෙනවා.
සැකකරු විසින් අප්‍රේල් මස පස් වෙනි දින. වැලිගම ප්‍රදේශයේ දී චූටි මාමා නමැත්තාට වෙඩි තබා දෙපතුල තුවාල සිදුකර තිබූ අතර මැයි මස 14 වෙනි දින රොෂාන් හෙවත් ජැකාට වෙඩි තබා බරපතළ තුවාල සිදු කර තිබෙනවා.
අමතරව ස්ත්‍රී දූෂණ සහ මංකොල්ලකෑම් මං කොල්ලකෑම් රැසකට කිසි රැසකට අවශ්‍යව සිටි බවත් පොලිස් නිළධාරියෙකු පැවසුවා.
මීට මාස එකහමාරකට ඉහතදී බොරලැස්ගමුව මාලනී බුලත්සිංහල මාවතේ බෝඩිම රුපියල් 6000 ක මාසික කුලී පදනම මත මාස තුනකට සැකකරු ලබාගෙන තිබූ බවත් ඒ වෙනුවෙන් රුපියල් 18,000ක මුදලක් තමන් වෙත ලබා දුන් බවත් එම බෝඩිමේ හිමිකාරිය පැවසුවා.
ටයිටේනියම් බිම් ඇතුරුම් කරුවෙකු ලෙස සේවය කරන බව පවසා සැකකාර කදිරා තමන් විවාහකයෙකු බව පවසා බිරිඳ බව කියන කාන්තාවක ගේ ඡායාරූපයක් සහ දරුවෙක් ඡායාරූපයක් පෙන්වූ බවත් ඇය සඳහන් කළා.
කදිරාගේ ජාතික හැදුනුම්පතේ පිටපතක් ලබා ගෙන ඔහුට නවාතැන් දුන් බවත් හිමිකාරියේ වැඩිදුරටත් පැවසුවා.
සැකකරු වැඩිදුර විමර්ශන සඳහා මාතර කොට්ඨාස අපරාධ මර්දන ඒකකය වෙත භාරදී තිබෙනවා.
බණ්ඩාරගම – බිමල් ශ්‍යාමන් ජයසිංහ
2023 දෙසැම්බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19