ගෙදර ගිනිතිබ්බ වෙලාවේ මම හිටියනම් එන අයට වෙඩි තියනවා

2022 නොවැම්‍බර් 01, පෙ.ව. 11:28

මැයි 9 වැනිදා තම නිවස ගිනි තබන අවස්ථාවේදී තමන් ගේ ඇතුලේ සිටියානම් එන අයට වෙඩි තබන බව ප්‍රසන්න රණතුංග මහතා ඊයේ (31) දෙරණ 360 වැඩසටහනට එක්වෙමින් කියා සිටියා.

“සංඛ ඇත්ත කියන්නම්කෝ, මම හිටියනම් ඔය ගේ ඇතුළේ මම වෙඩි තියනවා. එන අයට, මම වෙඩි තියනවා, උඩට හරි වෙඩි තියනවා. මගේ තාත්තා 77 අපිව බේරගත්තේ එහෙමයි. උඩට වෙඩි තියලා අපිව එක්කන් ගියා, මේ වෙලාවේ ගෙදර හිටියනම් මමත් උඩට හරි වෙඩි තියනවා. ඔය ආවේ බයගුලු නිවටයෝ ටිකක්, දැන් එන්නේ නෑනේ කවුරුත් අපේ මූණට හැප්පෙන්න” යැයි ප්‍රසන්න රණතුංග මහතා වැඩිදුරටත් ප්‍රකාශ කළා.