2023 ජූනි 10, පෙ.ව. 8:59
ආකර්ෂණීය පොලියක් ලබා දෙන බව පවසා රුපියල් එක් කෝටි 17 ලක්ෂයක මුදලක් වංචා කල කැස්බෑව නගර සභාවේ සමගි ජන බලවේගයේ හිටපු නාගරික මන්ත්‍රීවරියක් අත්අඩංගුවට ගත් බව පිලියන්දල පොලිසිය පවසනවා.
සැකකාරියගේ වංචාවන්ට හසු වූ බහුතරයක් පුද්ගලයන් කාන්තාවන් බව පොලීසිය සඳහන් කළා.
ඉකුත් වසරේ මාර්තු මස සිට මෙම වංචාව සිදුකර ඇති බව ලද පැමිණිලි වල සඳහන්.
මේ වන විට පිලියන්දල පොලිසිය වෙත පැමිණිලි 11 ක් ලැබී ඇතැයි පොලිස් නිලධාරියකු සඳහන් කළා.
පක්ෂයේ විවිධ ව්‍යාපෘති වලට මුදල් යොදවන බව සහ විවිධ මන්ත්‍රීවරුන්ගේ නම් පාවිච්චි කර රුපියල් ලක්ෂ තුනේ සිට 25 දක්වා මුදල් ප්‍රමාණයක් සැකකාරිය වංචා කර ඇති බවට පොලිසියට කරන ලද පැමිණිලිවල සඳහන්.
මුදල් ලබාගත් බවට සඳහන් අත්අකුරින් ලියන ලද ලිපි සහ සැකකාරියගේ හදුනුම්පත ඡායාපිටපත් මුදල් ලබාදුන් පැමිණිලිකාරියන් වෙත ලබා ලබාදී ඇති බව පොලිසිය පෙන්වා දෙනවා.
වංචාකරුවන් මුදල් ඉල්ලා සිටීමේදී මුදල් නොදෙන බවට තර්ජනය කරන බව ද පැමිණිලිකරුවන් පොලිසිය හමුවේ ප්‍රකාශ කර තිබෙනවා.
අත්අඩංගුවට ගත් සැකකාරිය පිළියන්දල මකුළුදූව මිහිර මාවත පදිංචි වයස අවුරුදු පනස් හතරක තැනැත්තියක්.
සැකකාරිය කැස්බෑව මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
2023 දෙසැම්බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19