මුළු රාගම ඇඩු කඳුලින් ජැක්සන්ගේ නිසල දේහය නිවසට රැගෙන එනතුරු බලා සිටි (VIDEO)

2023 ඔක්‍තෝබර් 09, ප.ව. 4:43

---

---

ප්‍රවීණ රංගධර ජැක්සන් ඇන්තනී මහතා අභවප්‍රාප්ත වී තිබෙන බව මේ වන විට ඔබ දන්නා කරුණක්.

රිය අනතුරකට ලක්ව මාස 14ක කාලයක් කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටි ඒ මහතා අද (09) අලුයම අභවප්‍රාප්ත වී ඇති බවයි පවුලේ ඥාතීන් සඳහන් කළේ.

ජැක්සන් ඇන්තනී මියයන විට 65 වන වියෙහි පසුවුණා.

ජැක්සන් ඒ තාක් රැඳුනු හේතුව මොකක් වුණත්, ජැක්සන්ගේ ඇත්තම තත්ත්වය ලෝකෙටම අබිරහසක් වුණු බැව් අමුතුවෙන් කිව යුතු නැහැ.

ජැක්සන්ගේ නිසල දේහය ඔක්තෝබර් 11 බදාදා සහ 12 බ්‍රහස්පතින්දා දෙදින 90/A, 58 වනිගසූරියවත්ත, රාගම පාර, කඩවත පිහිටි ඒ මහතාගේ නිවසේ තැන්පත් කෙරෙන බව වාර්තා වෙනවා.

මේ වන විටත් එම නිවසට බොහෝ දෙනෙක් පැමිණ සිය දුක බෙදා ගැනීමට කටයුතු කරන බවයි ඒෂියන් මිරර් වාර්තාකරු සඳහන් කළේ.

---