ලංකාව ගැන ඉන්දියාවට ඇගිල්ල දිගු කරමින් මුරලිගෙන් විශේෂ ප්‍රකාශයක්

2023 නොවැම්‍බර් 28, පෙ.ව. 9:20

---

---

ඉන්දියාව ශ්‍රී ලංකාවේ ප්‍රශ්නය නිසියාකාරව තේරුම් නොගත් බව ප්‍රකට ක්‍රිකට් ක්‍රීඩක මුත්තයියා මුරලිදරන් ගෝවාහි පැවති ඉන්දීය ජාත්‍යන්තර චිත්‍රපට උළෙලේදී පවසා තිබෙනවා.

එහිදී ඔහු මෙසේද පවසා ඇත.

“ශ්‍රී ලංකාවේ ප්‍රශ්නය… ඉන්දියාව කවදාවත් තේරුම් ගත්තේ නැහැ. එය අවංක පිළිතුරයි. මම ඒක කියන්න බය නෑ. මම කියන්නේ මධ්‍යම රජයට නෙවෙයි, තමිල්නාඩු රජයට තේරුණේ නැහැ එතන තියෙන ඇත්ත ප්‍රශ්නය මොකක්ද කියලා. මොකද ශ්‍රී ලංකාවේ දෙමළ බලන්න. උප කණ්ඩායම් කිහිපයක් තියෙනවා.”

විශේෂයෙන්ම තමිල්නාඩුවේ ප්‍රාන්ත ආණ්ඩුව කිසිම විටක ශ්‍රී ලංකාවේ සිවිල් යුද්ධය අතරතුර වාර්ගික ගැටුම තේරුම් ගැනීමට අපොහොසත් වූ බව ද හෙතෙම එහිදී කියා තිබිණ.

‘A Legendary 800 – Against All Odds’ චිත්‍රපටය පිළිබඳ හමුවකට එක්වෙමින් ප්‍රකට ක්‍රිකට් ක්‍රීඩක මුත්තයියා මුරලිදරන් ඉකුත් ඉරිදා (26) මේ කරුණු අනාවරණය කර තිබිණ.

---