රුසියානු නාවික හමුදාවට න්‍යෂ්ටික බලයෙන් ක්‍රියාකරන සබ්මැරීන දෙකක්

2023 දෙසැම්‍බර් 11, ප.ව. 11:18

---

---

රුසියාවේ නිෂ්පාදිත න්‍යෂ්ටික බලයෙන් ක්‍රියාකරන සිව්වන පරම්පරාවේ සබ්මැරීන දෙකක් අද ජනාධිපති ව්ලදිමීර් පුටින් විසින් දියත් කරනු ලැබුණා.

මෙම උත්සවය පවත්වන ලද්දේ සෙවේරෝද්වින්ස්ක් නැව් තටාංගණයේදී යි. අධිරාජ තුන්වන අලෙක්සන්දර් සහ ක්‍රස්නයාර්ස්ක් නම් මෙම සබ්මැරීන රුසියානු නාවික හමුදාවේ ශාන්තිකර බලකායට එක්වීමට නියමිතයි.

අධිරාජ තුන්වන අලෙක්සන්දර් සබ්මැරීනය බොරෙයි පන්තියේ හත්වැනි සබ්මැරීනය වන අතර එහිම වැඩිදියුණු කළ බොරෙයි-A පන්තියේ සිව්වැනි සබ්මැරීනය වනවා. ක්‍රස්නයාර්ස්ක් සබ්මැරීනය යසෙන්-M වර්ගයේ එකක්.

මේ අතර තවත් බොරෙයි-A පන්තියේ සබ්මැරීන තුනක් හා යසෙන්-M පන්තියේ සබ්මැරීන පහක් නිපදවෙමින් පවතින බව පුටින් සඳහන් කළා.

බොරෙයි පන්තියේ සබ්මැරීන රුසියානු නාවික හමුදාවේ වැදගත්ම අංගයක් වනවා. ඒවායෙහි කිලෝමීටර් 8000 ක පරාසයක් ඇති බුලාවා අන්තර් මහද්වීපික බැලිස්ටික් මිසයිල 16 ක් ගෙන යා හැකියි.

---