2022 ජූනි 12, ප.ව. 6:45
ලංගම බස් රථයක පා පැදියක් ගැටීමෙන් සිදු වී ඇති අනතුරකින් පාසල් දරුවෙකු මිය ගොස් ඇති බව සාලියවැව පොලීසිය කියයි.
පෙරේදා (10) සවස 5.05 ට පමණ පුත්තලම – අනුරාධපුර මාර්ගයේ අළුත්ගම ප්‍රදේශයේදී මෙම අනතුර සිදුවී තිබෙන්නේ.
අනතුරින් මිය ගොස් ඇත්තේ ඉහළ පුලියන්කුලිම – අළුත්ගම පදිංචිව සිටි රංකොත් පේඩිගේ හරිත් චංචල නම් පාසල් දරුවෙක්.
පුත්තලමේ සිට නොච්චියාගම දක්වා කාර්යාල මගීන් ප්‍රවාහනය කරමින් තිබූ ලංකා ගමනා ගමන මණ්ඩලයේ පුත්තලම ඩිපෝවට අයත් බස් රථයක පාසල් දරුවා ගමන් කරමින් තිබූ පා පැදිය ගැටීමෙන් අනතුර සිදුවී තිබෙනවා.
අනතුරින් බරපතල ලෙස තුවාල ලබා සිටි පාසල් දරුවාව එම අවස්ථාවේදීම අළුත්ගම ප්‍රාදේශීය රෝහලට ඇතුළත් කර ඇති නමුත් දරුවා මිය ගොස් තිබෙනවා.
අනතුරට සම්බන්ධ බස් රථය පොලිස් බාරයට ගෙන එම බස් රථය පැදවූ රියදුරුව පොලීසිය විසින් අත්අඩංගුවට ගෙන තිබෙනවා.
සාලියවැව පොලීසිය වැඩිදුර විමර්ශණ කටයුතු කරනවා.
හලාවත – ජූඩ් සමන්ත
2023 දෙසැම්බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19