තලපති විජේ දේශපාලන පක්ෂයක් අරඹයි

2024 පෙබරවාරි 02, ප.ව. 9:18

---

---

තමිල්නාඩුවේ ජනප්‍රිය චිත්‍රපට නළු තලපති විජේ නව දේශපාලන පක්ෂයක් පිහිටුවමින් ක්‍රියාකාරී දේශපාලනයට අවතීර්ණ වුණා.

තමිලාහ වෙට්රි කලහම් නම් දේශපාලන පක්ෂය ලියාපදිංචි කිරීම සඳහා ඔහු විසින් මේ වනවිට කටයුතු අරඹා තිබෙනවා.

විජේ පවසා සිටින්නේ තම බලාපොරොත්තුව 2024 මහමැතිවරණය සඳහා තරග කිරීම නොව 2026 ප්‍රාන්ත සභා මැතිවරණයට ඉදිරිපත් වීම බවයි.

එමෙන්ම තමන් කිසිදු දේශපාලන පක්ෂයක් සමග සන්ධානගත වීමේ බලාපොරොත්තුවක් ද නොමැති බවත් ඔහු කියා සිටිනවා.

තමන් කලක් තිස්සේ සුබසාධන කටයුතුවල නිරත වෙමින් ජනජීවිතය නගා සිටුවීමට උත්සාහ ගත්තද දේශපාලන බලය නොමැතිව සමාජයට අවශ්‍ය ආයතනික වෙනස්කම් සිදුකළ නොහැකි බව ද ඔහු කියා සිටිනවා.

එමෙන්ම තමිල්නාඩුවේ පවතින දූෂිත දේශපාලන සංස්කෘතිය පිටුදැකීමෙන් තොරව ජනජීවිතය සුඛිත මුදිත කළ නොහැකි බව ද ඔහු කියා සිටියා.

---