අනුරාධපුරයේ ප්‍රදේශ කිහිපයකට හෙට ජල කප්පාදුවක්

2024 නොවැම්‍බර් 18, ප.ව. 7:32

---

---

අනුරාධපුර දිස්ත්‍රික්කයේ ප්‍රදේශ කිහිපයකට හෙට (19) පැය 08ක කාලයක් ජල සැපයුම අත්හිටුවීමට සිදුවන බව ජාතික ජල සම්පාදන හා ජලාපවහන මණ්ඩලය පවසනවා.

නුවරවැව ජල පවිත්‍රාගාරයේ අත්‍යවශ්‍ය නඩත්තු කටයුත්තක් හේතුවෙන් මෙම ජල කප්පාදුව සිදුකරන බවයි එම මණ්ඩලය නිවේදනයක් නිකුත් කරමින් සඳහන් කළේ.

ඒ අනුව හෙට පෙරවරු 09.30 සිට පස්වරු 05.30 දක්වා මෙලෙස ජල සැපයුම අත්හිටුවනු ඇති.

ඒ අනුරාධපුර දිස්ත්‍රික්කයේ සාලියපුර, රජරට විශ්වවිද්‍යාලය, මිහින්තලය, යාපනය හන්දිය, අනුරාධපුර 1 වන පියවර, මාතලේ හන්දිය, ගල්කුලම යන ප්‍රදේශ සඳහායි.

---